web counter
LEXO PA REKLAMA!

SHKARKO APP

App Store
Google Play

E fundit!

x

Meta apel partive politike/ Të zbulohet kush po pengon negociatat

16 Shtator 2019, 09:31, Politikë CNA

Presidenti Ilir Meta ishte i pranishëm sot në ceremoninë e 77-vjetorit të Konferencës së Pezës.

Në një prononcim për mediat, pas ceremonisë, kreu i shtetit  i ka drejtuar një mesazh të qartë forcave politike, që në vend të përplasjeve, të ndajnë përgjegjësitë dhe detyrat konkrete në mënyrë që Shqipëria të mund të marrë PO-në për të hapur negociatat për anëtarësim në Bashkimin Evropian.

Po ashtu, Meta tha se politika duhet të bëhet bashkë për interesin kombëtar dhe t’i kërkojë BE-së t’i thotë PO hapjes së negociatave.

?Peza është një amanet për të ardhmen e atyre që e bënë. Qëllimi ynë sot i përbashkët, interesi ynë kombëtar është anëtarësimi i Shqiëprisë në BE. Një proces që antagonizmi politik e ka vonuar shumë. Kam dhënë shumë mesazhe dhe sjellja ime si president ka qenë funksion të realizimit të këtij interesi kombëtar më 18 tetor kur do të merret një vendim për Shqipërinë. Kërkesa ime për të gjithë aktorët dhe forcat politike është t’i kërkojnë BE, pavarësisht nga problemet e deritanishme, t’i thotë një po çeljes së negociatav?-u shpreh Meta.

Ndër të tjera, ai theksoi se BE duhet të jetë e qartë ndaj aktorëve dhe institucioneve përgjegjëse, në mënyrë që sipas tij të jetë e qartë se kush është pengesa për të ardhmen evropiane të Shqipërisë.

?Nëse do të ketë kushte për çeljen e tyre, duhet të vendosin kusht për çdo institucion dhe cdo aktorë, përfshirë edhe presidentin e republikës në mënyrë që të gjithë të jenë të qartë se kush do të jetë një pengesë në të ardhmen për të vonuar këtë proces, këtë qëllim mbarëkombëtar që na fton për bashkëpunim se i tillë është mesazhi që vjen nga Peza”, tha Meta./ CNA.al





Lajmet e fundit nga