web counter
LEXO PA REKLAMA!

SHKARKO APP

App Store
Google Play

E fundit!

x

Berisha zbulon lidhjet e PD-së me Sorosin

16 Shtator 2019, 18:29, Politikë CNA

Ish kryemistri, Sali Berisha , ka zbuluar se gjatë kohës që ishte në pushtet, në vitin 2005, e ka pritur Xhorxh Sorosin në zyrë. Sipas Berishës interesi i tij në këtë takim ishte Edi Rama, ndaj dhe nuk pranuar të bashkëpunojë.

?Xhorxh Sorosin e kam pritur në 2005-tën. Fitova zgjedhjet dhe ai erdhi për Edi Ramën. E prita në një drekë, diskutova, i përcaktova qëndrimet e mia se unë kam ndërmend të bashkëpunoj më të gjithë pushtetin vendor, dhe natyrisht dhe me kryetarin e bashkisë së Tiranës, kam ndërmend të bashkëpunoj me opozitën. Interesi i tij në këtë takim ishte Edi Rama?, ka zbuluar Berisha gjatë një prononcimi për radion “Zeri i Amerikës”.

Ndërkohë që Andi Dobrushi, drejtor ekzekutiv i Fondacionit Soros për Shqipërinë, e ka hedhur poshtë këtë fakt, ndërsa ka pohuar se kanë bashkëpunuar me të gjitha qeveritë, si të majta ashtu dhe të djathta.

?Ne kemi punuar dhe bashkëpunuar me të gjitha qeveritë, si të majta, ashtu edhe të djathta. Mund të jemi konfrontuar madje me to, siç ka qenë rasti i Gërdecit. Raste të tjera janë aktuale. Një çështje e pacientes hemofilike, që është fituar në gjykatë, kundër Ministrisë së Drejtësisë. Çështje tjetër është një e sëmurë që vuante nga kanceri dhe që nuk i jepeshin medikamentet nga Ministria e Shëndetësisë. Në Tepelenë për shëmbull kundër ndërtimit të hidrocentraleve. Kemi raste të tjera të ndërtimit të hidrocentraleve në Valbonë. Janë çështje juridike që vazhdojnë?, argumenton Andi Dobrushi, po për ?Zërin e Amerikës?./ CNA.al





Lajmet e fundit nga