E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Denoncimi/ QSUT nuk ka mjekim për "hepatitin B", pacientët e blejnë 150 mijë lekë

13 Shtator 2019, 19:10, Denoncim CNA

Prej disa kohësh në Qendrën Spitalore Universitare ? Nënë Tereza? mungon ilaçi për “hepatitin B” i cili rimbursohet nga shteti.

Në emisionin “Fiks Fare” u ankua Vasil Thanasi i cili kurohet sistematikisht nga hepatiti B akut me ?tenoviral?, të cilin ia rimbursonte shteti për shkak të çmimit të kripur që ka ilaçi.

Por para tre muajsh ai është paraqitur për të marrë mjekimin e tij 3 mujore pranë QSUT siç ka bërë zakonisht. Aty i kanë dhënë mjekim vetëm për një muaj. Pas një muaji z. Thanasi paraqitët sërish në QSUT për të marrë mjekimin e radhës dhe aty njihet me mungesën e ilaçit.

?Më thanë s?ka fare ?tenoviral?, nëse do mund të marrësh një tjetër që e zëvendëson? shprehet Vasili. Por ilaçi që zëvendëson ?tenoviralin? nuk rimbursohet 100% nga shteti, por vetëm një vlerë minimale e tij. ? Unë qëndrova disa ditë pa mjekime, por për të sëmurët në gjendjen time është fatale ndaj u detyrova të blija ilaçin zëvendësues ? viread?.

Në farmacinë e QSUT-së ilaçi kushtonte 200 mijë lekë të vjetra për një muaj, ku shteti nga këto më rimburson vetëm 50 mijë lekë? shpjegon Valisi.

?Ky rimbursim është shumë i vogël, pasi unë dhe shumë pacientë të tjerë si puna ime që e duam çdo muaj nuk kemi mundësi ta blejmë 150 mijë lekë? përfundon qytetari. Ai iu drejtua Fiksit pasi e ka të pamundur që të blejë ilaçin zëvendësues. Ai kërkon ndihmën e emisionit që instancat përkatëse si Ministria e Shëndetësisë apo edhe QSUT të reagojnë.

Bashkëpunëtoret e “Fiks”-it shkuan në farmacinë e QSUT-së dhe pyetën për ilaçin, atyre u tha e njëjta gjë që tha dhe denoncuesi. Ilaçi mungonte dhe pritej të vinte, por që asgjë nuk ishte e sigurt për furnizimin e tij të radhës. Farmacistja e spitalit sugjeron se pacientët duhet të marrin një tjetër medikament që e zëvendëson atë, por që nuk rimbursohet 100%.

Vasil Thanasi tregon se hepatitin B e ka marrë tek dentisti gjatë një ndërhyrje për heqje të një dhëmbi.
Nëse këta pacientë nuk kurohen sistematikisht, kjo mund të sjellë pasoja në shëndet, duke i çuar në sëmundje si cirrozë dhe me pas në kancer të mëlçisë./ Top Channel/