web counter
LEXO PA REKLAMA!

SHKARKO APP

App Store
Google Play

Foto-“Kjo është masakër ç’njerëzore”/ Si Rama dhe Shahini ndëshkojnë nxënësit

11 Shtator 2019, 07:35, Denoncim CNA

Ish-kryeministri Sali Berisha ka publikuar sot mesazhin e një qytetari, i cili denoncon kushtet çnjerëzore në të cilat do të hapë dyert për nxënësit këtë vit shkolla e fshatit Bugjon, në Pukë.

Në një postim në rrjetet sociale, Berisha akuzon kryeministrin Edi Rama dhe ministren e Arsimit, Besa Shahini se sipas tij urrejnë fshatin, rrethin dhe të gjithë Veriun e vendit, duke ndëshkuar kështu nxënësit.

Ndërsa publikon foto skandaloze të gjendjes në të cilën ndodhet kjo shkollë, denoncuesi e cilëson këtë si masakër ç?njerëzore.

?Mirë se vini nxënës të dashur në një shkolle të braktisur, stola dhe banka të thyera, mure dhe pllaka të shkatërruara. Nga jashtë të bie në sy një flamur i grisur gjysëm shtizë, një shkollë totalisht e amortizuar dhe jashtë gjitha standarteve.

Ky është një turp i pa precedentë i organeve përgjegjëse shtetërore që nuk e kanë marrë mundimin fare për të krijuar kushtet minimale për brezat që do vijnë, për të ardhmen e femijëve tanë, për të ardhmen e Kombit shqiptarë. Në këto kushte fëmijet e këtyre fshatrave nuk mund të marrin dije as njohuri, tempulli i dijes dhe i diturisë është totalisht në rrezik!?-thuhet ndër të tjera në denoncim./ CNA.al





Lajmet e fundit nga