“Paste Magazine”: Ja 4 arsye për të vizituar Shqipërinë

6 Shtator 2019, 19:32, Sociale CNA

Nëse ideja për të vizituar Kroacinë filloi me një dashuri për filmin ?Game of Thrones? ose nga fotot e bregdetit të mrekullueshëm të Adriatik; kështu Ballkani është bërë një rajon i që sfidon destinacionet tradicionale evropiane. Fqinjët përreth të Kroacisë dhe qytetet e tyre si Gjiri i Kotorrit në Mal të Zi dhe Mostari në Bosnje gjithashtu kanë tërhequr vëmendjen e udhëtarëve. Ndërsa i gjithë rajoni është i bukur dhe me pasuri kulturore, është koha që Shqipëria të kthehet në qendër të vëmendjes.

Kështu sugjeron revista njujorkeze ?Paste?, e cila ka dhënë 4 arsye se pse duhet vizituar Shqipëria.

Përveç ndikimit të tyre historik në Shqipëri, ka shumë arsye se pse bregdeti i këtij vendi është bërë një vend pushimesh për italianët, por ne do të fillojmë me katër arsye:

1. Riviera Shqiptare

Nga peshqit e freskët dhe ushqimet e detit e deri tek plazhet e pabesueshme që derdhen në Detin Jon, bregdeti jugor është shumë i ngjashëm dhe mund të rivalizojë Greqinë. Qytetet si Sarandë, Dhërmi dhe Ksamil, i cili ndodhet brenda Parkut Kombëtar të Burtint, mbeten ndër qytetet më të njohura të plazhit. Ksamil, megjithatë, është më e lehtë për t?u arritur falë një aeroporti aty pranë dhe trageteve nga ishulli grek i Korfuzit. Më tej në brendësi, Gijrokaster, një qytet i trashëgimisë botërore të UNESCO-s, është një tjetër pamje e pasur me kulturë. E njohur për ruajtjen e saj të arkitekturës së stilit otoman, një vizitë në qytet dhe kështjellën e saj është si të shkoni pas në kohë.

2. Peizazhe magjike

Shqipëria është një vend i vogël por i larmishëm, i vendosur afër paraleles së 45-të ?magjike?. Kjo do të thotë që vendi mund të kultivojë një gamë të madhe si gështenja, sherebel, shegë, qershi, kumbulla, rrush dhe shumë më tepër. Duke filluar nga veriu në mes të Maleve të Kurorës, apo Alpeve Shqiptare, vendi në dukje po zhytet dhe rrotullohet drejt detit. Shqipëria Qendrore përbëhet nga fusha dhe malet më të vogla dhe luginat ngrihen dhe bien në Detin Jon. Kjo do të thotë një gjë për vizitorët: aftësia për të provuar thellësisht kulturën nga një fshat në tjetrin. Falë peizazheve gjithnjë në ndryshim, ka mjaft mikroklima brenda vendit duke lejuar që të mbjellat mbizotëruese në një rajon të fshatrave të jenë shumë të ndryshme nga një tjetër. Ndryshimi i llojeve të ushqimit që janë në dispozicion rezulton në shumë ndryshime në pjatat tradicionale dhe llojet e ushqimit që udhëtarët mund të provojnë në të gjithë vendin.

3. Kultura e larmishme

Midis 1809 dhe 1810, poeti britanik Lord Byron u nis në një turne dy-vjeçar në Evropë, gjatë së cilës ai udhëtoi luginat jugore të Shqipërisë, ku u mahnit nga kultura dhe kostumet e pasura (të cilat gjithashtu ndryshojnë nga rajoni në rajon, brenda vendit ). Sot kultura tradicionale jeton, por historia e kohëve të fundit dhe kultura moderne ia vlen të hulumtohet edhe gjatë një udhëtimi në Shqipëri.

I futur në komunizëm nga Musolini, i cili aneksoi Shqipërinë në 1939, shteti Ballkan mbeti nën komunizëm deri në vitin 1985 kur vdiq Enver Hoxha. Paranoja dhe presioni nga rivali i tij në ish-Jugosllavi, Tito, e shtynë Hoxhën të ndërtojë më shumë se 170,000 bunkerë bërthamorë të betonit në të gjithë Shqipërinë ? gati gjashtë bunkerë për gjysmë milje katrore. Me kalimin e kësaj periudhe të historisë, bunkerët ngadalë shndërrohen në dyqane, kafene dhe madje edhe dhoma hoteliere, megjithëse disa prej tyre tani janë muze në Tiranë.

Ndërsa vendi ka përparuar nga epoka komuniste, kultura moderne ka marrë formë për të festuar të kaluarën ndërsa përqafon të tashmen. Për shembull, rindërtimi i Kalasë së Toptanit në Tiranë është një shkrirje e të vjetrës dhe e të resë.

4. Udhëtim autentik

Udhëtimi ndërkombëtar është rritur në mënyrë të vazhdueshme me kalimin e viteve ? dhe ?mbi-turizmi? me të. Kjo është arsyeja pse të udhëtosh përtej rajoneve më pak të vizituara të Evropës po prezanton një kthim në udhëtimet autentike. Kalimi në territor më pak të mbushur nga turistë, por shumë të sigurt, do të thotë që udhëtarët të gjejnë përvoja reale.

Nga veriu në jug, qëndrimet në bujtinë të fshatit janë disa nga përvojat më autentike që udhëtarët mund të kenë në Shqipëri. Të përshtatshme për aventurierët që ecin në veri ose mysafirë me dëshirë për kulturorën në jug, bujtinat në thelb janë qëndrime dhe përvoja ballkanike dhe Airbnb, të kombinuara në një. Vizitorët mund të qëndrojnë në një dhomë private ose shtëpi të veçantë, të mësojnë të gatuajnë ushqime tradicionale, të luajnë lojëra tradicionale dhe të dëgjojnë muzikë popullore. Djathi dhe pjatat tradicionale si burek, gjethet e mbushura të rrushit dhe bakllava, janë vetëm fillimi./ Monitor