E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

Video-Imzot Joan shpjegon misterin e martesës/ Pse Kisha është kundër divorcit

5 Shtator 2019, 12:32, Sociale CNA

Tashmë është bërë traditë e konsoliduar prej dekadash, kampingjet orthodhokse zhvillohen rregullisht çdo vit, duke krijuar mundësinë për qindra fëmije, të rinj e të reja dhe student të kalojnë së bashku çaste të bukura.

Ata ngrihen shpirtërisht, nëpërmjet pjesëmarrjes në shërbesat e shenjta dhe mësimeve që marrin, por edhe zbaviten e bëjnë aktivitete të larmishme.

Gjatë kësaj vere, u zhvilluan tri kampe për vajza dhe tri kampe për djem, ku më poshtë po japim përmbledhur diçka nga veprimtaritë e tyre të shumta.

Mitropoliti i Korçës, Joan Pelushi gjatë një referati të mbajtur në Pogradec, në ?Kampingun e familjarëve?, ndër të tjera ka shpjeguar misterin e martesës dhe pse Kisha është kundër divircit.

Imzot Joan tha se sot jetojmë në një kohë divorcesh pa fund, dhe sipas tij kjo vjen për shkak të dobësimit të besimit.

?Sot jetojmë në një kohë divorcesh pa fund. Kjo vjen sepse është dobësuar besimi. Martesa është një sakrament, është një mister. Do ndalem shumë shkurtimisht se çfarë është misteri.

Nnëpërmjet shenjave të dukshme, transmetohet hiri i padukshëm i Perëndisë. Ne bukë edhe ujë shohim në pagëzim, por ky është trupi dhe gjaku i Krishtit, ky është misteri.

Mister nuk është vetëm dicka e panjohur, është kur mendja jonë nuk e kupton dot të gjithën sesi. Edhe martesa është një sakrament. Radhën tjetër që diskutuam ju thashë se një shprehje, ?Dituria e botës e shikon dashurinë si një lidhje mes burrit dhe gruas, ndërsa e krishterë e shheh si një lidhje mes burri , gruas dhe Perëndisë.?

Perëndia është hallka që e mban lidhur, nëse e heqim do dobësohet. Ndërtoje murin pa çimento dhe shumë shpejt do prishet. Kurorra në Kishë është bërë në praninë e Zotit.

Divorci është një fyerje karshi Zotit prandaj besnikëria është dicka shumë e rëndësishme. Do të thotë edhe besnikëri ndaj Perëndisë?-tha ndër të tjera Imzot Joan.

Për më tepër ndiqni videon më poshtë: