web counter
LEXO PA REKLAMA!

SHKARKO APP

App Store
Google Play

E fundit!

x

Berisha del hapur në krah të Metës/ Dekreti kushtetues, Rama bëri grusht shteti

3 Shtator 2019, 09:04, Politikë CNA

Ish-kryeministri Sali Berisha në një intervistë të dhënë për gazetën italiane ?Il Giornale?, ka komentuar situatën politike në vend.

Ndërsa ka rikthyer në vëmëndje zgjedhjet vendore të 30 qershorit, Berisha ka dalë hapur në krah të presidentit Meta, ndërsa theksoi se dekreti për shfuqizimin e 30 qershorit ishte Kushtetues.

Sipas Berishës, zgjedhjet pa pjesëmarrjen e opozitës ishin një grusht shteti.

?Zgjedhja e Presidentit Ilir Meta bazohet në Kushtetutë dhe është një vendim i marrë në të kaluarën nga parardhësit e tij në pesë raste të tjera. Për herë të parë, Kryeministri ka hedhur poshtë dekretin, dhe ky mund të quhet ?një grusht shteti i vërtetë?.?-u shpreh Berisha.

Berisha thekson se Rama mbajti zgjedhje kundër ligjit dhe kushtetutës, duke krijuar kaos dhe duke ushqyer një klimë konfrontimi që ekzistonte.

?Zgjedhjet u mbajtën në qershor me një ngjyrë të vetme dhe sipas Konventës për të Drejtat e Njeriut, nuk mund të cilësohen aspak si demokratike. Në 57% të bashkive, u prezantua vetëm një kandidat nga Partia Socialiste e Ramës, duke shënuar kështu një shkelje të rëndë të të drejtave ndërkombëtare. Shqipëria është shndërruar në një vend diktatorial që bazohet në trafikun e drogës; është me të vërtetë një narko-shtet.?-u shpreh Berisha.

Gjithashtu Berisha ka folur edhe në lidhje me kanabizimin e Shqipërisë, ndërsa deklaroi se ?Që nga viti 2016, Shqipëria është kultivuar e tëra në kanabis. Shumë sipërmarrës të paguar nga trafikantë kanë mbyllur bizneset e tyre për të liruar tokën e për t?i lënë terren krimit të organizuar, dhe punëtorët e tyre kanë filluar të punojnë në plantacione të mbrojtura nga roje të armatosura.?./ CNA.al





Lajmet e fundit nga