web counter
LEXO PA REKLAMA!

SHKARKO APP

App Store
Google Play

Tirana në kaos/ Foto që nxjerr “zbuluar” Veliajn

3 Shtator 2019, 07:25, Politikë CNA

Ish-nënkryetarja e Komisionit të Ekonomisë, njëkohësisht ish-deputete e PD-së, Jorida Tabaku shprehet se Tirana sot është në gjendje kaotike, ndërsa kryebashkiaku Veliaj vijon propgandën boshe.

Në një postim në rrjetet sociale, Tabaku shkruan se prej disa javësh ?Tirana është në kolaps të plotë dhe pa ujë të pijshëm ndërsa administrata e bashkisë Tiranë bashkë me kryetarin e saj vazhdojnë parodinë e propagandës për çmimet që fitojnë jashtë në këmbim të lejeve të ndërtimit. Tirana është sot një nga qytetet më kaotike dhe njëkohësisht administrata e saj është më e paaafta ndonëse falë kërbaçit dhe shtetit policor ajo mbledh 173 mln euro të ardhura, siç edhe raporton buxheti i vitit 2018.?

Bashkangjitur postimit të saj Tabaku ka publikuar edhe një foto, e cila tregon realitetin me të cilin përballen çdo ditë qytetarët e Tiranës, i cili është krejt ndryshe nga propaganda e Veliajt.

Më tej Tabaku bën një bilanc të rritjes së të ardhurave të Bashkisë për shkak të rritjes së çmimit të ujit dhe taksës së banesës.

?Të dhënat tregojnë se bashkia Tiranë ka rritur me 40% të ardhurat tek UKT vetëm nga rritja e taksës së pronës në raport me vitin 2015. Ndërkohë që për vitin aktual Bashkia Tiranë pritet të arkëtojë 35% më shumë nga tarifat dhe taksat që i janë rritur qytetarëve të Tiranës.?-shkruan ndër të tjera Tabaku.

Po ashtu ajo thekson se ?Afërmendsh qytetarët që paguajnë 30% më shtrenjtë ujin dhe katër herë më shtrenjtë taksën e banesës dua të kuptojnë se përse nuk kanë ujë? Përgjigja mbase fshihet në propagandën e përditshme të Bashkisë e cila është kujdesur që krizën e thellë të furnizimit me ujë të mos e paraqesë as në media. Me një stil sa gëbelsian aq edhe stalinist, askush nga media nuk pipëtin për situatën mesjetare të ujit në Tiranë ndërsa kronikat propagandistike të bashkisë vazhdojnë të furnizojnë mediat me lajmet se Tirana po fiton përherë e më shumë çmime ndërkombëtare.?./ CNA.al





Lajmet e fundit nga