web counter
LEXO PA REKLAMA!

SHKARKO APP

App Store
Google Play

E fundit!

x

Dosja 184 drejt shkatërrimit / Hetimet në duart e prokurorëve e kunatës së Arben Keshit

2 Shtator 2019, 14:08, Kronika CNA

Krimet e Rënda e transferuan dosjen 184 në Dibër, në mes të muajit Korrik.

Dosja 184 ka si objekt hetimi, manipulimin e votave gjatë zgjedhjeve të vititi 2016 në Dibër.

Sot është mësuar se dosja e bujshme, e cila tashmë mund të konsiderohet e shkatërruar është në duar të dy prokurorëve.

Ata janë Rifat Kojku dhe Belina Zeneli dhe pretendohet që do të hetojnë shitblerjen e votave në bashkinë e Dibrës në 2016.

Prokurorët u caktuan nga drejtuesja e Prokurorisë së Dibrës, Esmeralda Keshi (Cani), të cilës një familjar i saj i ka dalë në përgjimet e dosjes 184.

Bëhet fjalë për Arben Keshin, kunati i prokurores së Dibrës apo më saktë është djali i xhaxhait të Gentjan Keshit, bashkëshortit të Esmeralda Keshi, i cili doli nga disa prej përgjimeve të publikuara nga gazetar gjermane ?Bild?.

Në fakt, dosja 184, dihej se tek cilët prokurorë do të përfundonte, pasi gjithsesej bashkë me drejtues, tre prokurorë numërohen në Dibër.

Hetimet nisën nga Prokurori i Krimeve të Rënda, Gentian Trenova, i cili u shkarkua nga Vettingu.

Më pas dosja i kaloi prokurorit të Krimeve të Rënda, Klodian Braho i cili shpalli moskopetencën. Më pas Arta Marku urdhëroi transferimin e saj në Dibër./CNA.al





Lajmet e fundit nga