web counter
LEXO PA REKLAMA!

SHKARKO APP

App Store
Google Play

E fundit!

x

SHBA-BE kundër gjyqtarëve të Administratives

29 Gusht 2019, 08:48, Vetingu CNA

Pjesa më e madhe e gjyqtarëve të Gjykatës Administrative janë kategorizuar në listën e zezë të SHBA-BE. Një pjesë prej tyre kanë rënë në Vetting që në shkallën e parë, ndërsa të tjerë që kanë kaluar janë ankimuar nga Komisioneri Publik me rekomandim të ONM.

Të ankimuar me rekomandim të ONM për t’i larguar nga sistemi i drejtësisë janë edhe të kryetarit të Gjykatës Administrative të Apelit Tiranë Kastriot Selita, gjyqtarit pranë Gjykatës Administrative të Apelit të Tiranës Artur Malaj, por dhe për disa të tjerë.

Malaj njihet ndryshe si gjyqtar i skandaleve, por pas nuk mbetet as gjyqtari Selita.

Sipas Komisionerit Publik , i cili i është referuar ONM, në rastin Malaj, përcaktimi i personave të lidhur dhe rezultatet e hetimit, nuk është bërë në mënyrën e duhur, pasi për personat për të cilët është kryer një hetim, thuhet se nuk kanë rezultuar me probleme, por nuk janë paraqitur në dosje hetimet për ta.

KP është ndalur edhe tek mospërputhja e çmimit të blerjes së një apartamenti. Sipas Komisionerit Publik, prokura që ka paraqitur për rënien dakord të ndryshimit të çmimit me shoqërinë që kishte ndërtuar pallatin, është fiktive dhe për pasojë edhe problemi me çmimin del i pajustifikuar.

Shkresa private e pretenduar si revokim kontrate nga ana e Malajt nuk përbën provë, ndaj dhe përmbajtja e saj nuk ka efekt mbi vlerësimin e rrethanave të krijimit të kësaj pasurie.  Për më tepër, pretendimi për revokim kontrate, bie në kundërshtim me deklarimin periodik të vitit 2005, periudhë e cila korespondon me muajin kur është lidhur kontrata e sipërmarrjes.

KP, ka konstatuar se nga analiza financiare, rezulton se për tre vite, përfshirë këtu edhe vitin kur është blerë shtëpia, gjyqtari dhe bashkëshortja nuk kanë pasur të ardhura të mjaftueshme për të mbuluar shpenzimet e kryera.

Ndërsa për gjyqtarin Selita, në vlerësimin e Komisionerit Publik, është thënë, se hetimi nuk është i bërë i plotë. Ndërsa ONM, paraprakisht kishte konstatuar probleme me pasurinë dhe shqyrtimin e çështjeve gjyqësore nga Selita në konflikt interesi. Në Shtator, pritet që Kolegji i Posaçëm i Apelimit të vendosë për gjyqtarët Malaj dhe Selita.

Kujtojmë se deri më tani nga nëntë rekomandime të ONM, tetë janë pranuar deri më tani nga Komisioneri Publik, i cili ka vënë në lëvizje Kolegjin e Posaçëm të Apelimit, duke i kërkuar shkarkimin e gjyqtarëve dhe prokurorëve përkatës, shkruan Shqiptarja.com.

Lista e zezë
Artan Madani, drejtues i Prokurorisë Kavajë, ende nuk është ankimuar nga Komisioneri Publik

Kastriot Selita, kryetar i Gjykatës Administrative të Apelit Tiranë, ankimuar nga Komisioneri Publik, ende pa vendim nga KPA

Adnand Kosova, prokuror pranë Prokurorisë së Përgjithshme, ankimuar nga Komisioneri Publik, ende pa vendim nga KPA

Besnik Cani, anëtar i Këshillit të Lartë të Prokurorisë, ankimuar nga Komisioneri Publik, ende pa vendim nga KPA

Artur Malaj, gjyqtar pranë Gjykatës Administrative të Apelit të Tiranës, ankimuar nga Komisioneri Publik, ende pa vendim nga KPA

Gentian Medja, gjyqtar pranë Gjykatës Administrative të Shkallës së Parë, Tiranë, ankimuar nga Komisioneri Publik, ende pa vendim nga KPA

Gentian Osmani, prokuror pranë Prokurorisë së Krimeve të Rënda, konfirmuar nga KPK, shkarkuar nga KPABashkim Dedja, kryetar i Gjykatës së Kushtetuese, konfirmuar nga KPK, shkarkuar nga KPA

Xhezair Zaganjori, kryetar i Gjykatës së Lartë, konfirmuar nga KPK, shkarkuar nga KPA

Subjektet e ankimuara nga Komisioneri Publik, pa rekomandim të ONM, në Kolegjin e Apelimit

Manjola Kajana, prokurore në Prokurorinë pranë Gjykatës së Shkallës së Parë për Krime të Rënda, Tiranë, vijon gjykimi në Kolegjin e Posaçëm të Apelimit

Dritan Peka, drejtues i Prokurorisë pranë Gjykatës së Apelit Tiranë, vijon gjykimi në Kolegjin e Posaçëm të Apelimit

Donika Prela, drejtuese e Prokurorisë së Shkallës së Parë për Krime të Rënda, vijon gjykimi në Kolegjin e Posaçëm të Apelimit

Alma Kolgjoka, kryetare e Gjykatës së Rrethit Gjyqësor Krujë, vijon gjykimi në Kolegjin e Posaçëm të Apelimit

Arben Dollapaj, Prokuror në Prokurorinë pranë Gjykatës së Apelit Shkodër, vijon gjykimi në Kolegjin e Posaçëm të Apelimit.

Besnik Muçi, prokuror në Prokurorinë pranë Gjykatës së Shkallës së Parë për Krime të Rënda, Tiranë, vijon gjykimi në Kolegjin e Posaçëm të Apelimit

Nertina Kosova, gjyqtare në Gjykatën e Apelit për Krime të Rënda, konfirmuar në detyrë nga Kolegji i Apelimit

Antoneta Sevdari, Prokurore në Prokurorinë e Gjykatës së Shkallës së Parë Tiranë, anëtare e KLP, shkarkuar nga Kolegji i Apelimit

Astrit Faqolli, magjistrat/gjyqtar në Gjykatën e Shkallës së Parë Tiranë, shkarkuar nga Kolegji i Apelimit

Alma Brati, gjyqtare në Gjykatën e Rrethit Gjyqësor Tiranë, shkarkuar nga Kolegji i Apelimit

Edmond Islamaj, anëtar i Gjykatës së Lartë, shkarkuar nga Kolegji i Apelimit.

Pazaret në drejtësi/ Shtohen skandalet e gjyqtarit Artur Malaj

CNA.al paralajmëroi vendimin e Kolegjit Zgjedhor/ Artur Malaj, simboli i gjyqtarit bandit dhe pazari i radhës

Artur Malaj luan blofin/ Bën të paditurin në Kolegjin Zgjedhor

Artur Malaj dhe “banda” që ka në dorë zgjedhjet

Gjyqtari i skandaleve/ Rrugëtimi i dyshimtë i Artur Malajt në filtrin e Vettingut

Vilën në emër të ish sekretares dhe para nga prostitucioni/ Artur Malaj, skandali i gjyqësorit

Raporti i shërbimeve sekrete/ Gjyqtari Artur Malaj, prona me paratë e korrupsionit

Dyshimet për konflikt interesi/ Komisioni publik ankimon në KPK Kastriot Selitën

Pasuri të dyshimta në Lezhë dhe Gjirin e Lalzit/ Olsi Komiçi dhe ONM kapin mat Kastriot Selitën

 





Lajmet e fundit nga