web counter
LEXO PA REKLAMA!

SHKARKO APP

App Store
Google Play

E fundit!

x

Braçe kërkon “kokat” e tre gjyqtarëve/ Dorëzon dosjet para drejtësisë

27 Gusht 2019, 13:22, Politikë CNA

Zëvendëskryeministri Erion Braçe akuzon tre gjyqtarë, konkretisht atë të të Tiranës, Vlorës dhe Gjirokastrës, që sipas tij kanë kryer veprime në kundërshtim me ligjin.

Braçe ka dërguar para drejtësisë dosjet e tre gjyqtarëve në fjalë, ndërsa në një prononcim për mediat tha se i është drejtuar ministres së Drejtësisë, KLGJ, ONM dhe KPK për tre gjyqtarët në fjalë, për shkak të vendimeve të tyre në kundërshtim me ligjin.

Gjykatësit për të cilën Braçe kërkoi të hetohej për vendimet e dhëna janë: Gentian Hamiti, gjyqtar pranë Gjykatës Administrative në Tiranë, Elidon Papazisi është gjyqtari pranë Administratives së Gjirokastrës dhe Skënder Haluci gjykatës në Gjykatën e Shkallës së Parë të Vlorës.

Zv.kryeministri iu bëri thirrje organeve të drejtësisë dhe ndërkombëtarëve të hetojnë me kujdes veprimtarinë e këtyre tre gjyqtarëve.

?I jam drejtuar me dosje të posaçme ministres së Drejtësisë, KLGJ, ONM, KPK për tre gjyqtarë, një prej gjyqtarëve të Gjykatës Administrative të Tiranës, për një çështje në kundërshtim me ligjin, për një gjyqtar të Vlorës, që ka vendosur për tre çështje brenda një minute, dhe për një gjyqtar të Gjirokastrës, i cili ka liruar nga bllokimi gati 7 tonë ushqime të bllokuara nga AKU, pasi ishin afër datës së skadencës. Për secilin nga këta gjyqtarë i kam kërkuar institucioneve të kenë në vëmendje veprimtaritë e tyre, deklaroi zv.kryeministri.





Lajmet e fundit nga