web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Mbyllet “A Show” dhe “Të Paekspozuarit”

26 Gusht 2019, 18:41, Politikë CNA

Ashtu siç kishte paralajmëruar CNA.al, disa javë më parë tashmë është konfirmuar dhe zyrtarisht se dy emisionet e rëndësishme të TV News 24, “A Show”, dhe “Të Paekspozuarit” nuk do të transmetohen më.

“A Show”, i moderatorit Adi Krasta, një performancë televizive e mrekullueshme e nje gazetari dhe moderatori me mjaft eksperiencë, që ishte kthyer në një dritare  të fuqishme kundër qeverisë dhe Kryeministrit, kundër korrupsionit dhe në luftë për të vërtetën e vetëm për të vërtetën, nuk do të jetë më pjesë e edicioneve televizive të “News 24”.

Por pas  tij, ashtu siç njoftuam edhe disa javë më parë, është mbyllur edhe emisioni ?Të Pakespozuarit? i Ylli Rakipit, emision i panelit të fortë, me gazetarë dhe analist, me kritika të ashpra kundër qeverisë. Emisioni që dënoncoi mjaft skandale të qeverisë , duke filluar nga koncesionet e rrugëve, nga ndërtimet në kryeqytet, dhëniet me koncesion të  shërbimeve publike shëndetësore e shumë të tjera si këto.

CNA.al ka mësuar se do të jete Sokol Balla njeriu që do të zëvendësojë të dy emisionet antiqeveritare  nëse do ti quajmë të tillë, emisionet e Ylli Rakipit dhe Adi Krastës.

Njeriu afër qeverisë, afër Edi Ramës dhe Erion Veliajt, Balla tashmë do të ketë katër ditë emision në “News 24”,  nga e hëna në të enjte, çka tregon se pronari i  “Fokus Media”-s, pra “News 24”, më në fund është dorëzuar pa kushte, ashtu siç  CNA.al paralajmëroi. Mbyllja e dy emisioneve të rëndësishme tregon se pronari i “Fokus Media”-s, Irfan Hysnebelliu, është zhveshur lakuriq përballë Edi Ramës, duke u dorëzuar dhe duke i dhënë atij gjithçka.

Edhe dy dritaret e vetme kritike qe kishin ngelur në mediat shqiptare nuk do të jenë më, tashmë ekrani i “News 24” do të kthehet në vasal i qeverisë.

Gjithashtu me mbylljen e dy emisioneve, është larguar edhe drejtori i News 24, Andi Tela. Mësohet se në vend të tij është çuar Robert Rakipllari, kryeredaktor i gazetës ?Panorama?./CNA.al

Edi Rama zhvesh Irfan Hysenbelliun/ Ja, çfarë ka ndodhur në News24





Lajmet e fundit nga