web counter
LEXO PA REKLAMA!

SHKARKO APP

App Store
Google Play

E fundit!

x

"Jo Valdrini, po vëllai im të jetë..."/ Rama shet kryebashkiakun e Shkodrës

13 Gusht 2019, 13:59, Politikë CNA

Kryeministri Edi Rama ka reaguar pas debateve të shumta lidhur me kryebashkiakun e ri të Shkodrës, Valdrin Pjetri.

Përmes një shkrimi në rrjetet sociale, kreu i qeverisë ka përjashtuar Pjetrin nga PS-ja, duke u shprehur se deri sa e vërteta të dalë në shesh, rrugët janë të ndara.

Ndërkohë, referuar dokumenteve të publikuara  për arrestimin, dënimin dhe dëbimin e kryebashkiakut të Shkodrës, me tone të ashpra Rama shkruan se:

?Jo Valdrini, po vëllai im të jetë,s?ka shans të hedhë asnjë hije dyshimi mbi PS dhe mbi mua,në raport me ligjin e me besnikërinë ndaj popullit! Përgjegjësia për çdo akt individual të padenjë është individuale.Përgjegjësia jonë është si reagojmë ndaj një akti të padenjë individual!?.

Shkrimi i plotë i kryeministrit Rama në Twitter:

?Jo Valdrini, po vëllai im të jetë, s?ka shans të hedhë asnjë hije dyshimi mbi PS dhe mbi mua, në raport me ligjin e me besnikërinë ndaj popullit! Përgjegjësia për çdo akt individual të padenjë është individuale. Përgjegjësia jonë është si reagojmë ndaj një akti të padenjë individual!

I edukuar, i zoti, i respektuar familjarisht në Shkodër e kudo ka punuar, po kjo s?mjafton më! Kurrë s?kam menduar se Valdrini mund të fshehë të vërtetën në raport me ligjin, po deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht.

E me këtë rast, të tërë ta fusin mirë në kokë: Unë s?kam ndërmend të toleroj askënd dhe as të marr përsipër raportin individual me ligjin të askujt! Shkoj në luftë për çdo ide, qëllim a shok armësh, po kosto veprimesh individuale të dyshuara si ky, as marr më, as lejoj më t?i marrë PS!?/ CNA.al





Lajmet e fundit nga