web counter
LEXO PA REKLAMA!

SHKARKO APP

App Store
Google Play

E fundit!

x

Spastrohen zaptuesit e bregdetit/ Prokuroria "mbytet", nga dosjet hetimore

11 Gusht 2019, 07:52, Sociale CNA

Prej disa ditësh ka nisur aksioni për lirimin e plazheve përgjatë gjithë vijës bregdetare në Shqipërisë.

Për pasojë janë liruar sipërfaqë të tëra plazhi që deri më dje ishin grabitur nga privatët me bekimin e pushtetit vendor por edhe atij qëndror.

Çdo ditë policia njofton se ka referuar dhe dorëzuar në Prokurori, materiale për hetime të mëtejshme për zyrtarët vendorë dhe biznesmenët ‘grabitës” të plazhit.

Kështu, duket se shtatori do të jetë i nxehtë për prokurorinë.

Në njoftimin e fundit, policia thotë se  në Qerret dhe në Spille  janë liruar rreth 1000 m2 plazh i zaptuar në mënyrë të paligjshme, ndërsa janë proceduar penalisht dy biznesmenë dhe disa zyrtarë të tatime në Bashkinë e Kavajës.

Njoftimi i Policisë:

Qerret-Spille

Vijon operacioni ” Plazh i lirë”, në zbatim të detyrave të përcaktuara në planin e posaçëm të masave “Për parandalimin, evidentimin dhe ndëshkimin e informalitetit, evazionit fiskal në turizëm, ndërtim, hidrokarbure, mallra të akcizës dhe krimeve të tjera mjedisore.

Lirohen nga Policia e Kavajës  në plazhin e Qerretit dhe në Spille  rreth 1000 m2 plazh i zaptuar në mënyrë të paligjshme.

Policia e Kavajës  sekuestron rreth 200 komplete  çadra e shezlongë të vendosur në mënyrë të paligjshme.

Procedohen nga 2 përfaqësues  subjektesh konkretisht A.B  dhe E.H,  për veprat penale “Fshehja e të ardhurave”,  “Mospagimi i taksave dhe tatimeve” dhe të “Pushtimi i tokës”, pasi në Qerret dhe në Spille këta shtetas  kishin zënë hapsirën e plazhit me shezlonge, çadra e karrige në mënyrë të paligjshme.

Policia e Kavajës  ka përcjellë dokumentat në Prokurori edhe për veprën penale  “Shpërdorimi i detyrës”,  në ngarkim  të  zyrtarëve të tatim taksave në  Bashkinë Kavajë, të proceduar më parë gjatë operacionit “Plazh i Lirë”  të zhvilluar në Golem,  të cilët nuk kanë kryer detyrën, duke lejuar që këto biznese dhe të tjera të proceduara më parë nga Policia, të ushtronin aktivitet në mënyrë të kundërligjshme.

Operacioni është në vijim në gjithë vijën bregdetare/CNA.al





Lajmet e fundit nga