E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

U refuzua si pedagog/ Studiuesi Vladimir Kola demaskon UT

9 Gusht 2019, 14:36, Sociale CNA

Studiuesi Vladimir Kola është refuzuar si pedagog nga Univerisiteti i Tiranës.

Ky refuzim i tij vjen për shkak se Univerisiteti i Tiranës nuk i njeh doktoratrën në Itali dhe as statusin e Universitetit.

Skandali thellohet më tej pasi siç shprehet Kola, komisioni nuk e ka marrë fare në konsideratë kandidaturën e tij, duke shpallur fitues dy kandidatë të tjerë që nuk kanë as doktoraturë apo artikull shkencorë të botuar.

Duke cituar edhe atë çfarë parashikon ligji për raste të tilla, Kola shprehet se ka kërkuar anullimin e vendimit dhe nëse është e nevojshme do ti drejtohet edhe rrugëve ligjore.

Kujtojmë që Kola është një nga denoncuesit kryesorë të e plagjiaturave të zyrtarëve të lartë dhe politikanëve dhe ky refuzim i tij edhe pse me doktoraturë në Romë, duket si një hakmarrje politike.

Postimi i plotë

SKANDALI I RADHËS

Komisioni ad hoc në Universitetin e Tiranës, Fakulteti i Drejtësisë, Departamenti i së Drejtës Publike, nuk njeh Doktoraturën në Itali, as nuk njeh Statutin e Universitetit.

Pa marrë parasysh fare Doktoraturën komisioni kishte vendosur përjashtimin e kandidaturës sime dhe kishte shpallur fitues dy kandidatë që nuk kanë Doktoraturë, as nuk kanë shkruar asnjë artikull shkencor apo libër (meqenëse kam kërkuar anulimin e vendimeve, për momentin kandidatët nuk po i bëj publik).

Duke qenë se Diplomën e kam në Shkenca Politike dhe Doktoraturën në të Drejtën Publike, komisioni kishte vendosur përjashtimin tim si kandidat.

Mirëpo, në vërtetë në nenin 67, pika 2, germa c), të Statutit të UT, thuhet ?Të kenë përfunduar studimet Master Shkencor dhe/ose studime te doktoratës ne te njëjtën fushë?.

Pra, sipas nenit 67 të Statutit edhe Doktoratura në të njëjtën fushë mjafton, sepse thuhet ?ose studime të doktoratës në të njëjtën fushë?.

Natyrisht, kam kërkuar anulimin e vendimeve në fjalë dhe nëse do jetë e nevojshme, vendimet për konkursin në fjalë do të bllokohen (do mbesin të pezulluara) në rrugë gjyqësore.

Kriteret shtesë që mund të vendosë Departamenti nuk mund të jenë në kundërshtim me Statutin, pasi dihet se nga ana hierarkike Statuti është mbi vendimet e Departamentit.

Gjithashtu, në nenin 59 të ligjit n. 80, 2015, Doktoratura konsiderohet me vlerë më të lartë se Masteri./CNA.al