web counter
LEXO PA REKLAMA!

SHKARKO APP

App Store
Google Play

E fundit!

x

"Rama e detyroi të gënjente"/ PD nuk i tërheq akuzat për Valdrin Pjetrin

10 Gusht 2019, 11:24, Politikë CNA

Sekretari i përgjithshëm i Partisë Demokratike, Gazment Bardhi, në një deklaratë për mediat nga selia e PD ka thënë se kreu i bashkisë së Shkodrës, Valdrin Pjetri gënjeu kur tha se nuk ka lidhje me krimin, dhe se nuk është i dënuar.

Bardhi tha se kryeministri Edi Rama e detyroi Pjetrin të gënjente dhe të mohonte akuzat që i ka bërë PD, ndërsa shtoi se zgjedhja e tij si kryebashkiak është turp pasi po i  imponon popullit shkodran të qeveriset nga një i dënuar për trafik droge në Itali.

?Pushteti i tij i ka themelet te krimi prandaj ai nuk heq dorë nga promovimi kriminelëve deri në majat e pushtetit.

Valdrin Pjetri është njëri prej tyre, ai ka qenë i dënuar në Itali për trafik droge ndërsa Edi Rama hesht.

Heshtja e Edi Ramës tregon se ai e ka ditur këtë kur e emëroi Pjetrin si kryetar bashkie të Shkodrës.

Rama e detyroi Valdrin Pjetrin të gënjente duke thënë se ai nuk ka qenë asnjëherë i dënuar në Itali. Ai i ka të gjitha mundësitë institucionale që të verifikojë se Pjetri është subjekt i ligjit të dekriminalizimit, heshjta e tij tregon se ai e ka kryer këtë verifikim.

Rama duhet të jap dorëheqjen dhe të largohet  bashkë me Valdrin Pjetrin me turp, si kryeminsitri që i imponon qytetarëve të Shkodrës të qeverisen nga një i dënuar për trafik droge,? ka thënë ndër të tjera Gazment Bardhi./CNA.al





Lajmet e fundit nga