web counter
LEXO PA REKLAMA!

SHKARKO APP

App Store
Google Play

Raporti për menaxhimin e mbetjeve/ Shqipëria vend problematik

31 Korrik 2019, 18:41, Denoncim CNA

Një tjetër raport i publikuar më së fundi e rreshton vendin tonë ndër më problematikët përsa i përke menaxhimit të mbetjeve plastike të patrajtuara dhe mënyrës se si shtetet e Mesdheut mund të shpëtojnë detin e tyre.

Raporti është hartuar nga Fondi Botëror i Jetës së Egër (WWF). Sipas tij Shqipëria është një prej vendeve më problematike në përqindjen e mostrajtimit të të tilla mbetjeve, me nivelin  73%.

Kjo përqindje e rreshton Shqipërinë ndër 4 shtetet me normën më të lartë të mosmenaxhimit të mbetjeve në Mesdhe, krahas Malit të Zi, Libisë dhe Egjiptit.

Pavarësisht se Shqipëria është vend i vogël, me pak banorë e që ka një normë mjaft të ulët të gjenerimit të mbetjeve, ajo ende nuk ka ngritur kapacitete për t’i menaxhuar këto mbetje, një pjesë e madhe e të cilave përfundojnë në ujrat e detrave duke dëmtuar faunën, florën dhe turizmin.

Raporti i WWF i rekomandon qeverive të hartojnë strategji që të mundësojnë menaxhimin sa më mirë të mbetjeve plastike dhe si hap të parë të ndërmarrin reduktimin e përdorimit të plastikës./CNA.al





Lajmet e fundit nga