E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

Denoncimi-Dy padi për Drejtorin Ismaili/ Deputeti zbulon pse e refuzoi Ministrinë e Drejtësisë

28 Korrik 2019, 16:32, Denoncim CNA

Paraditen e të premtes Ministria e Drejtësisë organizoi një takim për lançimin e planit të veprimit për sistemin penitenciar( burgjeve). Takimi u zhvillua në ambientet e kësaj ministria, ndërkohë që midis të tjerëve i ftuar nga organizatorët ishte dhe deputeti Lefter Maliqi, i cili e refuzoi ftesën dhe nuk pranoi të pjesëmarrej.

Për të zbuluar arsyen e këtij refuzimi CNA.al iu drejtua deputetit Maliqi i cili pranoi të konfirmonte vërtetësinë e mospjesëmarrjes së tij, duke dhenë dhe argumentat.

“Po është e vërtetë. Ministria e Drejtësisë na kish ftuar si Komision parlamentar i Sigurisë, por unë e refuzova pjesëmarrjen, ndonëse lançimi i planit të veprimit për sistemin e burgjeve me diktonte të isha prezentë. E them se para se të bëhesh deputet e anëtar i Komisionit parlamentar të Sigurisë unë kam mbajtur detyrën e zvendësdrejtorit të Përgjithshëm të Burgjeve. Ndaj ju thash se për këtë arsye duhej të obligohesha të merrja pjesë. Mirëpo, siç ju thëshë, unë e refuzova pjesëmarrjen dhe e dini pse? Sepse ftesa më ish dërguar për të provuar sa i gatshëm isha për të qenë fasadë e një dështimi që organizatorët duan ta shesin për sukses.

Në kushtet kur unë po denoncoj vazhdimisht abuzimet në drejtimin e burgjeve ftesa mund të quhet edhe provokim.Një ftesë për të më mbyllur gojën dhe për të më detyruar të shfaqem në krah të Drejtorit të Përgjithshëm të Burgjeve, Agim Ismaili, me të shkuar të errët dhe i paaftë, e që për pesë muaj qënie në atë post e ka degraduar sistemin.

E refuzova ftesën për tu pjesëmarë në atë takim pasi vlerësova gjithashtu se ajo ishte për ti qëndruar në krah atyre që e emëruan dhe e mbajnë Agim Ismailin në atë detyrë të lartë, në kundërshim me ligjin dhe me moralin politik. Sigurisht do të shkoja, nëse do me ftonin të flisja, e të jepja gjykimin tim si ish drejtues i lartë dhe njohës i atij sistemi që kam qenë, do shkoja për t’ua thenë edhe njëherë në sy të gjitha akuzat dhe të vërtetën që ja thashë ministres Etilda Gjonaj në Parlament. Por vendosa të mos shkoj se isha ftuar për të qenë spektator ndaj nuk desha të bëhem pjesë e atij shoë mediatik të organizuar për të mbuluar skandalet në drejtimin e sistemit penitenciar. Në krye të ndreqjes së punëve të të cilit është vendosur si Drejtor i Përgjithshëm, Agim Ismaili, i shquar për paaftësi të thellë dhe degradimin mjeran të këtij sistemi. A e dini ju që në adresë të Ismailit dhe vartësit që bashkëpunon ngushtë ka dy kallëzime në Prokurori dhe në Krimin Ekonomik? Shpejt do ti bëj publike”, ka shpjeguar deputeti Lefter Maliqi, ekskluzivishit për CNA.al.