E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

Shembja e Teatrit, instalimi përfundimtar i autokracisë së Edi Ramës

24 Korrik 2019, 16:55, Aktualitet CNA

Nga deputet Lefter Maliqi

– Sot u bëra pjesë e protestës së bashku me artistët dhe qytetarët në mbrojtje të të drejtës legjitime të tyre, duke u bëre këtë thirrje policëve: Teatri është edhe prona juaj, mos dhunoni artistët, hidhini kapelet e mbroni lirinë vëllezër policë!

Ndërkohë vlerësoj aktin patriotik të Presidentit Meta si sovran i unitetit kombëtar për depozitimin në Gjykatën Kushtetuese të padisë kundër shembjes së Teatrit Kombetar si veprim antiligjor, abuziv dhe antikushtetues.

Aktualisht në sheshin përball Teatrit Kombëtarë po luhet akti i fundit që do të shënojë edhe instalimin përfundimtarë të autokracisë së Edi Ramës. Shqiptarët duhet ta dinë përfundimisht se nëse rrëzohet Teatri ka rënë përfundimisht edhe demokracia edhe liria e shqiptarëve. Nuk bëhet fjalë për një godinë, por për shembjen e shtetit ligjorë.
Nëse ka një rast flagrant që shteti ligjor ka rënë, është ky i Teatrit Kombëtarë. Me ligje speciale për vetëm një klient të oborrit të kryeministrit Edi Rama dhe kryebashkiakut, Erion Veliaj, duke shkelur Kushtetutën dhe madje edhe konventat evropiane, po grabitet toka publike dhe po shkatërrohet një nga të fundmet godina me vlera historike dhe shpirtërore.

Rasti i Teatrit tregon se Edi Rama dhe klika e tij oligarkike e rivdekjes kanë kaluar në fazën e arrogancës ekstreme duke ju thënë gjithë shqiptarëve; Shteti jam unë!
Pavarësisht të gjitha këtyre, protestës më shumë se 1 vjeçare, kundërshtive të komunitetit të artistëve dhe KE-së, peticionit me dhjetëra mijë firma të qytetarëve të kryeqytetit, Edi Rama, është i vendosur që të shkojë përpara si një diktator tipik, drejt shembjes dhe grabitjes së tokës së Teatrit Kombëtarë.
Prandaj sot që në mëngjes, dhjetëra policë në zbatim të urdhrave të Edi Ramës dhe Erion Veliajt, dhunuan artistët dhe qytetarët e kryeqytetit.
Unë si ish oficer i lartë policie dhe si deputet, ju them policëve dhe oficerëve që të kuptojnë se janë Polici e Shtetit dhe jo polici private e Fushës e Edi Ramës dhe Erion Veliajt. Ndaj ua përsëris thirrjen e bërë paraditen e sotme, në valën e represionit ndaj protestuesve, që ta kenë si paralajmërim për raste të ngjashme: Hidhini kapelet dhe bashkohuni me popullin që mbron pronën e përbashkët. Urdhrat që keni marrë dhe që do ti merrni nuk janë ligjorë përsa kohë urdhëruesit të mbrojnë akte korruptive e antikushtetuese. Ju bëjë thirrje ish-kolegëve të mijë që asnjëherë të mos vihen në shërbim të hajdutëve të pronës publike, që ju takon edhe atyre.
Çlirimi i Teatrit nga thonjtë e Edi Ramës dhe Erion Veliajt, dy dashnorëve të kullave Fusha, është vetëm nje betejë por jo fundi i luftës pasi “Piktori dështak” dhe “Lali i fiqve” do të vijojnë të jenë të rrezikshëm nëse nuk i japim një mësim të mirë me Teatrin. Prandai i bëj thirrje popullit që me turne 24 në 24 orë të qëndroj brenda Teatrit. Po tja mbaj “Piktorit” le ta shemb mbi trupat e qytetareve dhe artisteve, por ky do të jetë fundi i tij. Jo fundi si Kryeministër, por si satrap që luftoi kundër qytetarëve të vet për ti shërbyer oligarkëve, krimit, korrupsionit dhe pastrimit të parave të pista.