E fundit!

09:56 Politikë

Konferenca dy ditore në Poloni për Rindërtimin e Ukrainës/ Rama mes liderëve pjesëmarrës

Kryeministri Rama do të marrë pjesë në Konferencën për Rin...

Policia “blindon” Teatrin Kombëtar/ Përplasje fizike me artistët, tërhiqet zvarrë regjisori

24 Korrik 2019, 06:30, Aktualitet CNA

Mëngjesin e sotëm forca të shumta policia kanë rrethuar Teatrin Kombëtar, dhe po nis aksioni për shembjen e tij.

Nga ana tjetër dhjetëra qytetarë dhe artistë, janë mbledhur në shenjë proteste për të ndaluar shembjen e Teatrit.

Mes artistëve dhe policisë ka pasur dhe përplasje civile, ndërsa regjisori Edmond Budina është tërhequr zvarrë në mënyrë që të mos futet në ambientet e brendshme të Teatrit.

Regjisro Budina, në një prononcim për Fax Neës, u shpreh se i ka të regjistruara të gjitha fytyrat që e tërhoqën zvarrë.

?Kriminelët më morrën zvarrë, si të isha një leckë, kjo është një gjë e ndyrë. Ne po mbrojmë kulturën dhe qytetarinë shqiptare, të vijë një polici që ska pikën e dinjitetit, nuk e di se çfarë mund të themi.

Sa të jetë jeta nuk do ta harroj, Edi Rama mbaje mend këtë që më ke bërë, ti dhe këlyshët e tu, asnjëherë nuk të kam sulmuar direkt, po këtë që ndodhi sot nuk mund ta fal.

Nuk e kam bërë as regjisorin dhe as aktorin, i mbështetur te politika, e kemi bërë gjithçka me djersë dhe me gjak?, u shpreh Budina.

Artistët apelojnë për një pjesëmarrje sa më të madhe të qytetarëve , që të mund të përballen me forcat e shumta të policisë që kanë rrethuar zonën.

Një pjesë e punonjësve të administratës së Teatrit, së bashku me policinë private kanë hyrë në ambientet e brendshme të Teatrit, ku janë duke paketuar materialet, për t?i nxjerrë nga pjesa e pasme e godinës.

Pranë artistëve ka qenë sot dhe juristi dhe Sekretari për çështjet Ligjore në PD, Çlirim Gjata, i cili u shpreh se është kriminale dhuna e përdorur ndaj artistëve.

?Të themi është antikushtetues është pak, kanë ardhur 200 policë të të gjitha llojeve dhe të gjitha ngjyrave, e gjitha kjo është bërë për të futur brenda disa punonjës që të paketojnë materialet, dhe ti hapin rrrugës shembjes. Ajo që është më kriminalja është se përdoret dhunë ndaj regjisorit të madh Edmond Budina, apo grave dhe vajzave që janë pjesë e komunitetit të artistëve?, u shpreh Gjata.