web counter
LEXO PA REKLAMA!

SHKARKO APP

App Store
Google Play

E fundit!

x

Për të gjithë "krenarët" e Reformës/ Ish-ministri ia numëron në sy “bëmat” Ramës

23 Korrik 2019, 09:47, Aktualitet CNA

Ish-ministri i Drejtësisë në qeverinë ?Rama 1?, Ylli Manjani teksa bën një panoramë të situatës në Shqipëri, ka hedhur akuza të forta ndaj mazhorancës socialiste.

Në një postim në rrjetet sociale, Manjani shkruan se kjo Reformë në Drejtësi, nuk i duhet askujt në momentin që nuk parandalon krimin dhe sipas tij vidhet e abuzohet në sy të të gjithëve.

Postimi i plotë i Ylli Manjanit:

Panoramë:

Miliona euro kontrata koncensionesh e PPP pa leverdisshmëri ekonomike, të lidhura pa garë dhe për shërbime që blihen shtrenjtë.

Po aq miliona euro tenderë për një pakicë njerëzish. Kontrata të lidhura pa garë të mirfilltë dhe në një pjesë të mirë me procedura Sekret!

Kulmi!!! Tenderë sekretë.

Dhunim i hapur i pronës publike, për t’u vënë në funksion të ndërtimeve private.

Shkatërrim me dashje i trashëgimisë kulturore e historike të vendit.

Rrëmbim i pronës private hapur dhe me policë!

Arrestime haptazi të paligjshme të kryera me urdhër politik nga policia.

Vjedhje e votimeve sa herë që bëhen, me ose pa opozitën.

Të mos përmendim këtu dhunimet sistematike të Kushtetutës së Republikës, apo presionet e dukshme ndaj gjykatësve që guxojnë të zbatojnë ligjin.

Ama, JEMI KRENARË që bëmë Reformën në drejtësi!

Se kujt i duhet kjo reforma kur vidhet hapur e pa frikë nga ndëshkimi, vetëm ata që janë krenarë e dinë!

Dhe të gjithë “krenarët” e reformës nuk harrojnë të shtojnë se “fajin e ka opozita”!!!

Dmth qeveria vjedh, por opozita që është dhe pa imunitet, ka faj e frikë!

Të puthsha mendjen- i thonë kësaj!/ CNA.al





Lajmet e fundit nga