web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i papritur/ Jep dorëheqjen Kryeministri i Kosovës

19 Korrik 2019, 14:28, Aktualitet CNA

Kryeministri i Kosovës, Ramush Haradinaj, ka lajmëruar dhënien e dorëheqjen nga posti i kryeministrit. Sikurse ai vetë ka artikuluar ky vendim i papritur ka si shkak thirrjen për tu marrë në pyetje nga Gjykata Speciale në Hagë si i dyshuar për krime gjatë luftës së Kosovës.

? Sapo e informova Qeverinë, kam dhënë dorëheqje të parevokueshme prej funksionit të kryetarit të Qeverisë. Arsyeja është se jam ftuar që të intervistohem si i dyshuar nga dhomat e posaçme të Gjykatës së Specializuar. Javën tjetër do ta kem intervistimin dhe kam vlerësuar se atje nuk mund të paraqitem si Kryetar i Qeverisë, por si një qytetar i Kosovës. Për me e ruajt nderin e kryetarit të Qeverisë edhe të shtetit, kam menduar se është e drejtë me e marrë këtë vendim.

Do të kryej detyrat e mia, do ta mbrojë Kosovën si luftëtar i vendit tim. Ndërsa pjesa politike është shumë gabim që po i kërkohet Kosovës një çmim i papërballueshëm për arritjen e një marrëveshjeje. Mendoj se është e gabueshme prej lidershipit të Kosovës me ofru oferta të gabueshme, duhet të bëhët kujdes. Tani përgjegjësia kalon tek Presidenti, me i fillu konsultat dhe me e caktu datën e zgjedhjeve. Nuk shkoj në Gjykatë në detyrë, nuk ia bëj Kosovës këtë?, është shprehur Haradinaj në deklaratën e tij./CNA.al





Lajmet e fundit nga