web counter
LEXO PA REKLAMA!

SHKARKO APP

App Store
Google Play

Ngjarja tronditëse në Durrës/ Reagon zyrtarisht Prokuroria

19 Korrik 2019, 12:40, Aktualitet CNA

Prokuroria e Shkallës së Parë Durrës ka reaguar në lidhje me raportimet në media, sipas të cilave një vajzë 8-vjeçare është përdhunuar në grup nga disa të rinj në fshatin Arapaj të Durrësit.

Në një njoftim për mediat, Prokuroria e cilëson si të pasaktë informacionin, ndërsa thekson se ?sipas akteve të administruara nuk ka ndodhur dhe nuk është tentuar të kryhet vepra penale e ?Marredhenieve seksuale me të mitur?.

?Rasti ka të bëjë me persona të mitur të përfshirë në këtë ngjarje dhe për këto arsye bazuar në parashikimet e Kodit të Drejtësisë Penale për të Mitur ju bëjmë me dije se është i ndaluar çdo lloj publikimi lidhur me rastin.? thuhet, ndër të tjera, në njoftimin e Prokurorisë.

Njoftimi i plotë:

Sipas informacionit që u administrua nga Prokuroria pranë Gjykatës së Shkallës së Parë Durrës, lidhur me rastin që është përhapur në media që ka të bëj me një ngjarje të ndodhur ne Arapaj Durrës, ju informojmë se:

Është regjistruar çështja penale Nr.1288 që bën fjalë për veprën penale të parashikuar nga nenet 108/a dhe 110/2 të Kodit Penal.

Nuk janë të sakta njoftimet e përhapura në media lidhur me këtë çështje, sipas akteve të administruara nuk ka ndodhur dhe nuk është tentuar të kryhet vepra penale e ?Marredhenieve seksuale me të mitur?.

Rasti ka të bëjë me persona të mitur të përfshirë në këtë ngjarje dhe për këto arsye bazuar në parashikimet e Kodit të Drejtësisë Penale për të Mitur ju bëjmë me dije se është i ndaluar çdo lloj publikimi lidhur me rastin.

Do të kërkojmë mirëkuptimin tuaj për mospublikimin e rastit si arsye e parashikimeve të ketij Kodi.

Duke ju falenderuar për vëmendjen!/ CNA.al





Lajmet e fundit nga