web counter
LEXO PA REKLAMA!

SHKARKO APP

App Store
Google Play

Dyshe me Tefik Osmanin, Marko Radas thuajse i Tiranës

17 Korrik 2019, 07:07, Aktualitet CNA

Marko Radas është në bisedime të ethshme me Tiranën. Janë burime pranë klubit që bëjnë me dije një fakt të tillë. Kroati prej kohësh ka nisur kontaktet me Tiranën dhe pas dënimit të Skënderbeut nuk do të ishte çudi që të zgjidhte bardheblutë dhe të largohej nga Korça pas shumë vitesh të suksesshme e të mbushura me trofe.

Mësohet se gjërat janë serioze, paçka se te Tirana duan t?i minimizojnë gjërat. Në orët në vazhdim mund të kemi një marrëveshje. Në fakt, u fol që në prill-maj se mbrojtësi mund të vinte te Tirana në verë, shkruan “Panorama Sport”.

Lojtari është në fund të karrierës dhe eksperienca e tij mund t?i ndihmojë bardheblutë në boshllëkun që kanë në qendër të mbrojtjes ku janë të zbuluar. Gjithsesi, gjithçka varet nga vetë lojtari i cili ndoshta mund të thotë mjaft dhe Tirana, paçka se e pëlqen, ndoshta mendon të shohë tjetër lojtar.

Zgjedhje ideale është edhe Fidan Aliti, që luan si në krah dhe qendër të mbrojtjes, por ai është shumë larg Tiranës.

Në këto kushte, nëse Radas bashkohet me Tiranën, do të formonte një dyshe me Tefik Osmanin, lojtar me të cilin ka luajtur edhe te Skënderbeu, kohë më parë. Marko Radas është 35 vjeç. Ai është mbrojtës. Sezonin e fundit është aktivizuar 2400 minuta në radhët e Skënderbeut, pa shënuar asnjë gol.





Lajmet e fundit nga