E fundit!

22:44 Aktualitet

Eric Wendt një hap larg emërimit/ Komiteti i Senatit voton pro gjeneralit si ambasador i SHBA-së në Shqipëri

Komiteti për Marrëdhëniet me Jashtë i Senatit amerikan ka ...

Foto-Qukës Qafë Plloçë, rruga që s'mbaron/ Dështimi i radhës së Rilindjes

16 Korrik 2019, 12:45, Aktualitet CNA

Punimet në aksin rrugor Qukës ? Qafë Plloçë të nisura pothuajse 6 vite më parë, kanë mbetur në vendnumëro.

Ky aks konsiderohet si një segment i rëndësishëm që bën të mundur shkurtimin e një distance të konsiderueshme të juglindjes së vendit me kryeqytetin.

Por, realisht rruga Qukës-Qafë Plloçë është një nga akset më problematike, ku punimet kanë vite që zvarriten.

Ndërtimi i këtij aksi rrugor, do të sillte zhvillim të madh ekonomik për shkak të lëvizjes më të shpejtë të mallrave në përgjysmimin e kohës aktuale edhe pas hapjes së plotë të rrugës Tiranë- Elbasan. Gjithashtu përfundimi i kësaj rruge do të bënte të mundur që nga Tirana në Korçë mund të shkohej për 1 orë e 30 minuta.

Por, aktualisht, në këtë aks rrugor, një lot nuk punohet fare, pasi nga vlera përllogaritur dhe nga kredia e marrë, ka një mungesë fondi prej rreth 15 milionë euro, kurse në dy lotet e tjera, sërish ka bllokim punimesh apo punime me ritme shumë shumë të ngadalta, për shkak se në investim nuk janë parashikuar rrëshqitjet në shpatet e maleve.

Për të zgjidhur problemin e rrëshqitjeve duhen 30 milion euro, ndërsa vetëm detyrimet që ka qeveria ndaj kompanive që po kryejnë punimet në këtë aks shkojnë gati 20 milion euro.

Tenderimi ka filluar në shtator të vitit 2013 dhe kur ishte në fazën finale për tu investuar nga Banka Islamike dhe Fondi Saudit i Zhvillimit, Qeveria Rama tentoi ta anulonte komplet këtë investim dhe kredinë e marrë, firmosur e kontraktuar gati një vit më parë Qeveria e ish kryeministrit Sali Berisha.

Pasi nuk ia doli dot ta anulonte dhe pas pezullimit disa mujor, Qeveria Rama e futi në proces të zgjidhjes këtë projekt.

Por, ka 6 vjet që Rilindja thotë vetëm fjalë. Edi Rama e ka inspektuar disa herë, janë hapur edhe tunelet, u premtua se rruga do të hapej në 2017 dhe më pas u premtua se do të hapej në 2019.

Por, iku gjysma e parë e 2019-ës, dhe nuk po shohim sërish asgjë dhe punimet kanë stopuar.

Që rruga të përfundohet tashmë Qeveria duhet të paguajë të paktën 65 milion euro shtesë për projektin fillestar.

20 mijë euro për detyrimet ndaj kompanive që po punojnë atje dhe 30 milion euro për t’i dhënë fund problemit të shkarjeve në male e shpate.

Ky financim duhet për dy lotet e parë, ndërsa për lotin e tretë që fillon nga Qafë Plloça drejt Qukësit, ka një mungesë financimi prej 15 milion euro dhe për më tepër prej gati një viti atje nuk punohet.

Askush nuk flet, akush nuk raporton më. Dikur për këtë aks raportohej se Qeveria e Edi Ramës po bën një punë të madhe, megjithëse qe një projekt me kredi dhe gjithçka e siguruar nga Qeveria e ish kryeministrit Sali Berisha, sot jemi përballë faktit ku gjithçka ka stopuar dhe kryeministri del e na shet mend me një tunel disa dhjetra metra, ndërkohë që pas atij tuneli në një distancë jo të largët një investim rreth 200 milion euro është stopuar.

Për zvarritjen e punimeve në këtë aks janë të pritshme justifikimet e kryeministrit Edi Rama, për projektin, financimet apo diçka tjetër.

Por, Rama ka pasur 6 vite kohë të korigjojë projekti, financimet, investimet e të zgjidh gjithçka. Ka pasur aq shumë kohë sa mund ta kishte mbaruar atë rrugë por mesa duket po mbaron Rilindja dhe ky segment rrugor s’ka mbaruar ende.

CNA.al po sjell më poshtë fotot nga punimet e stopuara në aksin rrugor Qukës ? Qafë Plloçë./CNA.al