web counter
LEXO PA REKLAMA!

SHKARKO APP

App Store
Google Play

E fundit!

x

Stuhi të forta në Greqi/ Humbin jetën 6 turistë, plagosen dhjetëra të tjerë

11 Korrik 2019, 06:13, Aktualitet CNA

Gjashtë persona kanë humbur jetën, ndërsa dhjetëra të tjerë mësohet se kanë mbetur të plagosur, për shkak të motit të keq e me stuhi në Greqinë Veriore.

Sikurse bëjnë të ditur mediat greke, mësohet se stuhi të forta kanë përfshirë zonën e Halkidiki dhe në zonën e Sozopol.

Në Sozopol një çift i moshuar nga Republika Çeke ka humbur jetën, pasi automjeti me të cilin po udhëtonin u përmbys nga erërat e forta.

Ndërsa në New Potidea, një 39-vjeçar dhe djali i tij 8 vjeçar humbën jetën pasi një pemë e vjetër u rrëzua duke i zënë rrugën.

Në Nea Plagia në Halkidiki, një 54-vjeçare nga Rumania humbi jetën pasi taverna ku ajo kishte ndaluar për të pushuar u godit nga stuhia.

Mediat greke raportojnë se mes viktimave është edhe një djalë 2-vjeçar, i cili po qëndronte në Greqi me prindërit e tij.

Po sipas mediave greke, bëhet e ditur se dhjetëra të plagosur janë evakuuar me ambulancë dhe me automjete private, dhe më pas janë shtruar në spital.

Deri tani mësohet se Qendra Operacionale ka marrë mbi 600 thirrje për ndihmë.

Për shkak të stuhisë apokaliptike, disa zona të Halkidikisë kanë mbetur në errësirë, ndërsa ka probleme në rrugë nga pemët e rëna dhe mbeturinat. Pas mesnatë është shpallur menjëherë gjendja e emergjencës./ CNA.al





Lajmet e fundit nga