web counter
LEXO PA REKLAMA!

SHKARKO APP

App Store
Google Play

E fundit!

x

Mediat në Shqipëri/ OSBE: Të respektohet liria e shprehjes

11 Korrik 2019, 16:00, Aktualitet CNA

Në një deklaratë për shtyp të përfaqësuesit të OSBE-së për Lirinë e Medias, në Vjenë, Harlem Desir, u bë një analzë e gjerë nga ana ligjore lidhur me lirinë e mediave në Shqipëri.

Ndër të tjera, në këtë analizë shkruhet se duhet ??të respektohen standardet ndërkombëtare për mediat”.

?’Është e nevojshme që legjislacioni i ardhshëm të respektojë standardet ndërkombëtare dhe angazhimet e OSBE-së për lirinë e shprehjes dhe që të mos ndikojë negativisht në lirinë e medias në vend. Analiza ligjore thotë se rregullimi i versioneve elektronike të medias së shkruar, dhe më gjerë i ?ofruesve të shërbimeve elektronike të botimit? nuk duhet të jetë i njëjtë me atë të shërbimeve të mediave audiovizive. Rekomandohet që të përjashtohen nga fushëveprimi i këtij projektligji. Përfaqësuesi kujtoi se bllokimi ose pezullimi i botimeve në internet konsiderohet një masë ekstreme e shtetit kundrejt të drejtës së lirisë së shprehjes dhe për këtë arsye pranohet nga standardet ndërkombëtare vetëm në rastet e shkeljeve shumë serioze të të drejtave të njeriut ose parimeve demokratike, ose kur masa të tjera nuk mund të zbatohen”, thuhet në analizën e bërë nga OSBE.

Përfaqësuesi vuri në dukje se kompetencat e AMA-s lidhur me ?bllokimin e përkohshëm / kufizimin e aksesit në internet? mund të zbatohen vetëm në tre rastet e qarta të përcaktuara në ligj: pornografia e fëmijëve; inkurajimin e akteve terroriste; dhe shkeljet e sigurisë kombëtare dhe kur masat e tilla konsiderohen si të nevojshme dhe proporcionale, duke marrë parasysh ekzistencën e një rreziku të afërt./CNA.al





Lajmet e fundit nga