E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Hije dyshimi mbi pasurinë/ Gjyqtari Ilir Mustafaj në panik nga Xhensila Pine

10 Korrik 2019, 12:17, Aktualitet CNA

Gjyqtari i Gjykatës së Tiranës, Ilir Mustafaj, pritet të dalë nesër para Komisionit të Pavarur të Kualifikimit.

Trupa gjykuese që do të bëjë vlerësimin e Mustafajt, përbëhet nga Lulzim Hamitaj, Valbona Sanxhaktari dhe Xhensila Pine.

Mustafaj është kandidat për Gjykatën Kushtetuese, ndërsa më herët ka qenë edhe anëtar i Këshillit të Lartë të Drejtësisë.

Në fakt, është hera e dytë që Mustafaj del para KPK-së.

Më 14 Qershor, në KPK, është zhvilluar seanca e parë dëgjimore, mirëpo gjyqtari u rebelua duke kërkuar përjashtimin nga trupa gjykuese të anëtares, Xhensila Pine si dhe hetimin në tre kriteret.

Ai pretendonte se kërkesën e tij për përjashtimin e komisioneres Xhensila Pine e bazonte në Konventën Evropiane për të Drejtat e Njeriut, legjislacionin që rregullon procesin e vettingut dhe Kodin e Procedurës Civile.

Sipas të njëjtit, Komisioni ka marrë parasysh thëniet e dëshmitarëve dhe nuk i ka ballafaquar ato me provat shkresore, që ai ka depozituar pranë KPK-së.

Por, KPK, nuk e ka marrë parasysh, kërkesën e tij përjashtimin e anëtares Xhensila Pine, që siç duket gjyqtari Mustafaj i trembet.

Sipas njoftimit të KPK-së, Xhensila Pine, do të jetë nesër pjesë e trupit gjykues për vlerësimin e gjyqtarit Ilir Mustafaj.

Hetimet ndaj tij janë përqëndruar kryesisht tek pasuria për të cilën KPK, duket se ka dyshime për mënyrën se si është krijuar.

Në vitin 2003, sipas të dhënave të marra nga Birn, gjyqtari Ilir Mustafaj zotëronte vetëm një automjet me vlerë 430 mijë lekë.

Por, pas 14 vitesh dhe konkretisht në në fund të vitit 2017, pasuria e tij ka pësuar ndryshime marramendëse, duke u rritur me 52 herë, në vlerën e 22.5 milionë lekëve.

E dyshimtë mbetet një kontratë sipërmarrjeje që daton në vitin 2011 midis ndërtuesit ?Ales& Eja? dhe babait e vëllait të tij, për një sipërfaqe trualli 332m2.

Referuar kësaj kontrate gjyqtari Mustafaj ka përfituar 30 mijë euro si dhe më vonë ishte parashikuar të përfitonte sipërfaqe ndërtimore./CNA.al

Ilir Mustafaj, deklarata e pasurise se vitit 2003 (2)

Ilir Mustafaj, deklarata e pasurise se vitit 2004 (1)

Ilir Mustafaj, deklarata e pasurise se vitit 2005

Ilir Mustafaj, deklarata e pasurise se vitit 2006

Ilir Mustafaj, deklarata e pasurise se vitit 2007

Ilir Mustafaj, deklarata e pasurise se vitit 2008

Ilir Mustafaj, deklarata e pasurise se vitit 2009

Ilir Mustafaj, deklarata e pasurise se vitit 2010

Ilir Mustafaj, deklarata e pasurise se vitit 2011

Ilir Mustafaj, deklarata e pasurise se vitit 2012

Ilir Mustafaj, deklarata e pasurise se vitit 2013