E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Të gjitha skenarët/ Sikur të dielën të ishte 13 Tetor

10 Korrik 2019, 17:27, Aktualitet CNA

Presidenti Ilir Meta ka nxjerre dekretin e dytë për datën e zgjedhjeve lokale në 13 Tetor.

Por në fakt zgjedhjet u zhvilluan në 30 qershor, asgjë nuk ndodhi përveç faktit që Luli dhe Mona, pas protestës të djeshme filluan pushimet.

Por çfarë do të ndodhte nëse nesër do ishte 13 tetor, pra dita e dekretuar nga Ilir Meta dhe jo koha e pushimeve. Le të shohim disa opsione.

Kryeministri Rama ka deklaruar që 13 tetori është aluçinacion i Metës, që do të thote nuk ka asnjë shans që të shkoje të rregjistrohet Partia Socialiste diku, për të marrë pjesë në zgjedhje lokale në 13 Tetor. Rama në 13 tetor do jetë ende në zyren e kryeministrit, mesa duket dhe do kemi ndoshta protestën e rradhës nga Luli dhe Mona, ku mund të dalë dhe Meta pasi me shumë gjasa do jetë shkarkuar.

Lulzim Basha ka deklaruar që nuk është çështje date dhe se PD hyn në zgjedhje vetëm kur të ikë Rama nga kryeministër, ky i fundit duket se e ka vendosur të mos ikë.

Duke qenë se 13 tetori më shumë gjasë do e gjeje vendin akoma me Ramën si kryeministër, ateherë duhet te besojmë që as Luli, nuk do të paraqitet diku për të rregjistruar PD dhe për të marrë pjesë në zgjedhje.

Monika Kryemadhi ka deklaruar që e njeh dekretin e burrit President, në lidhje me 13 tetorin. Pra sipas saj LSI, do të paraqitet diku për t?u regjistruar për të marrë pjesë në zgjedhje në datë 13 Tetor.

Nga inati i Ramës dhe për ti bërë qejfin Monikës e Metës, mbase edhe Luli i bashkohet asaj dhe i shkon pas për tu regjistruar për të marrë pjesë bashkë me Monikën e disa aleatë në zgjedhjet e 13 Tetorit.

Deri këtu jemi në rregull por lind pyetja: ku do bëhen regjistrimet???

KQZ po mbyll procedurat dhe aktet për shpalljen e rezultatit perfundimtar për zgjedhjet e datës 30 qershor.

Nuk ka asnjë veprim të ndërmarrë nga KQZ, në funksion te organizimit të zgjedhjeve hipotetike të dates 13 Tetor shkruan CNA.al

Për 13 Tetorin, nuk ka KZAZ, nuk ka fonde zgjedhjesh nga buxheti pasi ato nuk janë planifikuar me miratimin e tij në fund të 2018, nuk ka lista të shpallura zgjedhësish, të printuara etj, nuk ka administratë zgjedhore, nuk ka as qendra votimi, as grupe numërimi dhe gjithçka duhet nga baza në qendër dhe anasjelltas për të zhvilluar zgjedhje.

Dhe nuk ka asnjë procedure gjyqësore të nisur organizimin, as nga PD që nuk hyn më Ramën kryeministër, dhe as nga LSI që e njeh datën 13 tetor dhe është gati të hyjë në zgjedhje, kjo për ti kërkuar që KQZ të detyrohet të nisë procedurat për organizimin e zgjedhjeve të 13 Tetorit.

Vetëm nëse Luli dhe Mona besojnë se edhe ato zgjedhje do i organizojë tek zyrat e partive nga Tirana në degë, se KQZ e ka gati, Çlirim Gjata apo Arben Ristani do e qajnë për Lulin e Monën një proces model elektoral, por sërish nuk i bëjnë dot 5500 QV.

Por edhe nëse i organizon në këtë formë duhet të kujdeset që në to, të marrin pjesë 85 % e shqiptarëve mbi 18 vjec dhe jo 15 %.

Se pastaj do dali që ata 85 % që dolën në proteste ditën e Hënë në 9 korrik, papritur pas pak kohësh janë bërë me Ramën.

Në lidhje me opsionin e shpërndarjes së parlamentit dhe variantet e tjera do i shkruajmë kur të shkarkohet Ilir Meta si President./CNA.al