E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Drejtoresha e varfër e Rilindjes/ Cila është dora e fortë që mbron Dallëndyshen e IKMT?

3 Korrik 2019, 12:48, Aktualitet CNA

Dallëndyshe Bici, e cila prej pesë vitesh drejton Inspektoriatin Kombëtar të Mbrojtjes së Territorit, rezulton drejtoresha e më varfër e Rilindjes.

Gjatë periudhës që ndodhet në krye të IKMT, asaj i është dashur të bëhet dhe objekt hetimi dhe gjykimi.

Në vitin 2015 ajo është paditur nga Bashkia e Tiranës, bazuar në nenin 305 të kodit penal.

Një vit më vonë, në 2016-ën, ajo u vu nën hetime, pas kallëzimit të një banori të Udënishtit në Pogradec, i cili e kishte paditur Bicin për prishje në mënyrë të paligjshme të lokalit të tij 450 m2, në zonën e Liqenit të Ohrit.

Prokuroria e Pogradecit e dërgoi për gjykim për shpërdorim detyre kryeinspektoren e IKMT-së, Dallëndyshe Bici bashkë me një zyrtar.

Por, kryinspektorja e IKMT, Dallëndyshe Bici u shpall e pafajshme për akuzën për shpërdorim detyre.

Bici nuk e ka kapur Ligji, deri më tani për shkatërrimet që ka bërë në terren, pavarëisht se çfarë ka ndodhur ajo duket se e ka mbrojtjen e një dore të fortë.

Në muajin prill, CNA.al raportoi për shkatërrimin e Syrit të Kaltër nga IKMT.

KMT ka shkatërruar çfarë iu ka dalë përpara në këtë zonë turistike duke e kthyer Syrin e Kaltër në një zonë të shkretë.

Por përtej futjes së ?sqepit?, Dallendyshja pas shembjes e ka lënë këtë zonë si një gërmadhë duke mos e pastruar.

Është normale që të mos ketë ndërtime pa leje në pikat turistike, por institucionet kompetente, duhet të kenë një plan për vizitorët dhe turistët që shkojnë tek Syri i Kaltër dhe nuk mund ta lënë të shkatërruar.

Shefja e IKMT-së, apo shefja e “sqepit”, siç quhet ndryshe, gërmadhë ashtu siç ka lënë Syrin e Kaltër, ka edhe pasurinë.

Sipas të dhënave të pasurisë që CNA.al, ka marrë pranë ILDKPI, rezulton se Bici, ka të ardhura vetëm nga paga. Ajo nuk ka deklaruar asnjë lloj tjetër pasuria të tundshme apo të patundshme.

Drejtoreshja e Rilindjes, rezulton e varfër, madje dhe me over draft.

Mund të thuhet se Bici, është nga të vetmet drejtoresha të kryeministrit Edi Rama dhe Rilindjes, që jeton vetëm me pagën.

Viti 2016

Të ardhura Janar-Dhjetor, paga dhe shërbimi telefonik, 1218755 lekë.

Kartë krediti, 1 000 euro. Paguar, 352.39 euro dhe pa paguar 647 61 lekë.

Overdraft, 100 000 lekë.

Viti 2017

Paga si kryeinspektore, 1296868 lekë.