E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

"Gënjeu për shifrat e pjesëmarrjes në votime"/ PD nuk ndal sulmin ndaj KQZ

30 Qershor 2019, 14:32, Aktualitet CNA

Sekretari për çështjet zgjedhore, i Partisë Demokratike, Ivi Kaso ka dalë në një deklaratë për mediat menjëherë pas shifrave të publikuara nga KQZ lidhur me pjesëmarren në këto zgjedhje lokale.

Kaso tha se pjesëmarrja në votime deri në orën 11:00 ka qenë rreth 6 % ndërsa deri në orën 15:00 ka një pjesëmarrje deri në 10 %. Nga ana tjetër KQZ raportoi se deri në orën 11:00 pati 12 % pjesmarrje nëpër KZAZ, nërsa 15,5 % është raportuar deri në orën 15:00.

Sipas Kasos, KQZ është një vegël në duart e Ramës dhe po përpiqet të mashtrojë shqiptarët me shifra të pavërteta.

Kaso ka denoncuar shkeljet e KQZ ?që nga votimi në grup e deri tek votimi i hapur?.

“Operacioni më i madh që po kryen Rama sot është falsifikimi. KQZ është në krye të këtij operacioni, duke mashtruar për numrin e vërtetë të atyre që kanë votuar. Pjesëmarrja faktike ka qenë 6% deri në orën 11:00.

Pjesëmarrja deri në orën 15:00 është 10%. KQZ është një vegël e paligjshme në duart e Ramës. Paniku i Ramës duket qartë, askush nuk mund ta fshehë braktisjen e tij?, u shpreh Kaso.

Deklarata e plotë e Ivi Kasos:

Operacioni më i madh që po kryen Edi Rama gjatë gjithë ditës së sotme është falsifikimi i pjesëmarrjes në votimet e tij njëpartiake dhe të paligjshme.

Komisioni Qendror i Zgjedhjeve është në krye të këtij operacioni manipulimi, duke mashtruar shqiptarët dhe partnerët për numrin e vërtetë të atyre që kanë votuar.

Nga monitorimi i të gjitha qendrave të votimit, ka rezultuar se pjesëmarrja faktike në rang vendi deri në orën 11 ka qenë 6 përqind dhe jo 12 përqind sic raportuan kamikazët e KQZ.

Pjesëmarrja faktike deri në orën 3 pasdite është 10 për qind.

Partia Demokratike paralajmëron kamikazët politikë të Komisionit Qendror të Zgjedhjeve, të mos i shkojnë deri në fund planit për falsifikimin e pjesëmarrjes.

Lojërat e pista me telefona të prishur nxjerrin zbuluar paligjshmërinë e kësaj KQZ-je me 4 anëtarë të PS në shkelje të ligjit.

Arsyeja se pse KQZ nuk evidenton, ndalon dhe raporton shkeljet flagrante të ligjit, që nga votuesit shëtitës që votojnë disa herë, deri tek komisionet e votimit me nga 1 anëtarë që mbushin kutitë e votimit, që nga votimi në grup deri tek votimi i hapur, raste të gjitha të denoncuara nga media, është sepse KQZ-ja është një vegël e paligjshme në duart e Edi Ramës dhe në shërbim të farsës së gatuar prej tij.

Megjithëse vetë kandidon, vetë voton, vetë numëron dhe vetë shpall rezultatin, paniku i Edi Ramës duket qartë. Asgjë dhe askush nuk mund ta fshehë braktisjen dhe refuzimin e tij.” ka thënë Kaso për mediat/ CNA.al