web counter
LEXO PA REKLAMA!

SHKARKO APP

App Store
Google Play

E fundit!

x

Cila është strategjia e Bashës pas 30 qershorit

29 Qershor 2019, 12:01, Aktualitet CNA

Kryetari i Republikës së Re, Lulzim Basha, tashmë është përballë një dështimi fatal dhe të radhës së tij. Nuk ka dyshime që ai është një njeri që shpesh dështon, por këtë herë, mesa duket, me lëvizjet e tij politike i çoi demokratët në një disfatë, dhe duke kryer një krim elektoral.

Lulzim Basha i fali në tavolinë Edi Ramës, 61 bashki në Shqipëri, nga të cilat 27 prej tyre i kishte opozita.

Po si do të justifikohet Lulzim Basha pas 30 qershorit, dhe cila do të jetë strategjia e tij?

Së pari ai do deklarojë fundin e Ramës për pjesëmarrjes dhe së dyti do kërkojë zgjedhje të parakohshme.

Dhe më pas do të tentojë të bëjë lëvizje në të gjithë Shqipërinë. Ai do të shkojë kudo për të zhvilluar takime të shpejta, do të kërkojë organizime në bazë, duke tentuar që të ngrejë protesta të mëdha në vjeshtë, të cilat do të çonin në rrëzimin e qeverisë.

Do të fillojë bojkotin e plotë të çdo institucioni, duke tentuar që PD-ja të jetë jashtë, kudo dhe opozita të jetë në rrugë për të luftuar fort me qeverinë, deri në dorëheqjen e Edi Ramës.

Në fakt kjo lëvizje tjetër për të vazhduar në rrugën e nisur duket se është sërish një rrugë pa krye, pas mesazheve që vijnë nga SHBA dhe ndërkombëtarët, të cilët nuk kërkojnë gjë tjetër, veçse krijimin e Gjykatës Kushtetuese, krijimin e SPAK-ut dhe Byrosë Kombëtare të Hetimit.

Pas këtyre tre zgjidhjeve ndërkombëtarët shohin edhe qetësimin e situatës politike, së pari Gjykatën Kushtetuese për çështjen e zgjedhjeve në lidhje me dekretet e Presidentit, por edhe hetimet e byrosë së hetimit apo SPAK-ut për politikanët.

Ndaj dhe strategjia e Bashës duket se shkon paralel me to. Ndërkohë që ndërkombëtarët kërkojnë zgjedhje të lira, Lulzim Basha pritet që të tensionojë më tej situatën dhe ta acarojë deri në fund lëvizjen e tij politike.

Nga ana tjetër mësohet se do të tentojë të zhvillojë edhe një proces tjetër të bashkimit të Partisë Dekmokratike, për të justifikuar dështimin dhe katastrofën e tij me dorëzimin pa kushte përpara Edi Ramës, të cilin për të mos e quajtur si çështje e një dështimi personal, do ta faturojë në grup duke e ndarë përgjegjësinë me aleatët, duke ndarë përgjegjësinë me militantët dhe me njerëzit që e mbështetën të paktën në protestat e fundit në këto 4-5 muaj, që pas djegies që ai u bëri mandateve të deputetëve në 16 shkurt, të vitit 2019.

Në fakt, negociatat e Lulzim Bashës mund të fillojnë edhe me ndërkombëtarët për të gjetur një zgjidhje, atë që të paktën e deklaroi dje publikisht dhe kryeministri, një zgjidhje për rikthimin e opozitës në Parlament.

Ç?ka duket se është edhe një anë tjetër që kjo të përfshihet në strategjinë e kreut të PD-së, i cili po tenton me çdo kusht të shpëtojë nga ndëshkimi i tij i radhës./ CNA.al

Zbulohet lëvizja e radhës/ Ja çfarë do të bëjë Lulzim Basha të hënën





Lajmet e fundit nga