web counter
LEXO PA REKLAMA!

SHKARKO APP

App Store
Google Play

E fundit!

x

Aleatët e Bashës thirrje qytetarëve/ “30 Qershori datë e mbuluar nga turpi”

29 Qershor 2019, 16:49, Aktualitet CNA

Grupi i qendrës së djathtë, ose siç njihen ndryshe aleatët e Lulzim Bashës ka dalë me një deklaratë të përbashket për zgjedhjet e 30 Qershorit.

Sipas tyre, 30 qershori është një datë që do të mbetet e mbuluar nga turpi sepse është një farsë antidemokratike dhe antikushtetuese.

Grupimi i qendrës së djathtë i ka bërë thirrje qytetarëve që të denoncojnë çdo lloj forme presioni që bëhet ndaj tyre për të marrë pjesë në votime.

Deklarata e plotë:

30 qershori është një datë që do të mbetet e mbuluar nga turpi jo vetëm sepse është një farsë antidemokratike dhe antikushtetuese, por sepse, edhe të vetëm në garën e tyre imagjinare, po përdorin të gjithë arsenalin famëkeq me të cilin Shqipëria dhe bota tashmë është njohur.

Presioni ndaj qytetarëve të pambrojtur, ndaj administratës, ndaj sipërmarrjes private po rriten nga ora në orë në përpjekje për t?i dhënë një legjitimitet fiktiv përpjekjes së mazhorancës për ta çuar vendin në monizëm.

Frika që kanë nga kutitë që do të mbeten bosh, buron nga vetëdija se pluralizmi që shqiptarët fituan me mund tri dekada më parë, nuk mund të rrëmbehet me votime, për këtë arsye kërcënojnë, dhunojnë dhe dezinformojnë.

Të gjithë ata që ende nuk kanë kuptuar rrezikshmërinë e organizatës që ka marrë peng jetën demokratike të vendit, le të shohin si kërkojnë të
manipulojnë edhe një garë në të cilën nuk kanë kundërshtarë, ku janë të vetmit që kandidojnë dhe të vetmit që numërojnë.

Të bindur në drejtësinë e kauzës sonë, Grupimi i Qendrës së Djathtë, i bën thirrje qytetarëve të denoncojnë çdo presion, çdo masë represive ndaj atyre që nuk u binden votimeve monopartiake, çdo mashtrimi dhe dhunimi që cenon të drejtat kushtetuese të secilit prej jush./CNA.al





Lajmet e fundit nga