web counter
LEXO PA REKLAMA!

SHKARKO APP

App Store
Google Play

E fundit!

x

“Ti je hajdut, ke bërë të gjithë emërimet e burgut të Peqinit”/ Maliqi “gozhdon” Alfred Pezën

27 Qershor 2019, 20:27, Aktualitet CNA

Deputeti Lefter Maliqi në një lidhje direkte me studion e emisionit ?Open? është përplasur ashpër me Alfred Pezën, ish deputetin e Rilindjes, të cilit iu hoq mandati për shkak të nisjes së një hetimi lidhur me fshehjen e burimit të një pasurie miliona euro, aktualisht gazetar politik, dhe sekretar i Rilindjes për marrëdheniet me Publikun dhe Median.

I qenë në funksion të plotë me detyrën që ka marrë përsipër, Alfred Peza e provokoi hapur deputetin Maliqi duke e pyetur nëse do të japë dorëheqjen, siç ka deklaruar, pasi zgjedhjet do të zhvillohen në 30 qershor dhe jo siç ai ka parashikuar mosmbajtjen e tyre.

Maliqi iu përgjigj, duke thënë se në 30 qershor nuk do të ketë zgjedhje, sepse ato nuk do të njihen, ndërkohë që Peza iu përgjigj duke i thënë se nuk i mbante premtimet.

Kjo gjë e ka acaruar deputetin Maliqi i cili zbuloi një tjetër skandal të fshehur e që bën fjalë periudhën kur Alfred Peza ishte deputet dhe që mund të ndihmojë në rihapjen e hetimeve rreth dosjes së tij lidhur me fshehjen e pasurisë të cilën e hodhi për tu bërë aksioner në një bankë të nivelit të dytë.

Sipas Maliqit, të gjitha emërimet në burgun e Peqinit janë bërë prej tij.

?Jo po si puna jote në Peqin, se të njohim mirë ne ty. Të gjithë emërimet në burgun e Peqinit ti i kë bërë, po lëre mos ta hap të gjithë këtë. Ti je hajdut, se je akuzuar për këtë, ke vjedhur. Më tregon mua premtimet ti?, i tha Maliqi.

Kujtojmë se Maliqi ka qenë zv.drejtor i Përgjithshëm i Drejtorisë së Burgjeve dhe kompetenca në shpërthimin e skandalit të fshehur ndaj kohës kur Alfred Peza ishte deputet, hap rrugën e një hetimi të ri, nga ana e strukturës përgjegjëse./CNA.al





Lajmet e fundit nga