web counter
LEXO PA REKLAMA!

SHKARKO APP

App Store
Google Play

E fundit!

x

“Po armatos militantët e Rilindjes”/ Policia padit ish deputetin demokrat

26 Qershor 2019, 20:43, Aktualitet CNA

Policia e shteti ka reaguar lidhur mbi deklaratat e ish deputetit të Partisë Demokratike, Xhemal Gjunksh i cili gjatë ditës së sotme në një komunikatë për mediat deklaroi se drejtuesit e policisë në Dibër po shpërndajnë pistoleta për militantët e Rilindjes, si dhe po kërcënohen me jetë qytetarët që të dalin dhe të votojnë në 30 qershor.

Në reagimin zyrtarë, policia e shtetit sqaron se këto aludime janë  shpifje e ulët dhe plotësisht e fabrikuar, ndërsa shton se Gjunkshi do të duhet të sqarojë  përpara ligjit motivet e kësaj insinuate të ulët.

Reagim i Policisë së Shtetit

Lidhur me deklarimin e sotëm publik të ish-deputetit të PD, Xhemal Gjunkshi, ku aludon se Policia e Dibrës ka  shpërndarë armë në qytet, sqarojmë se:

Kjo deklaratë është krejtësisht një shpifje e ulët dhe plotësisht e fabrikuar.

Policia e Shtetit e hedh poshtë me përbuzje një deklarim të tillë, që në fakt të vetmin reagim që meriton është padia ndaj deklaruesit Gjunkshi në gjykatë.

Aty ai do të duhet që përpara ligjit të sqarojë motivet e kësaj insinuate të ulët.

Policia e Shtetit gjen rastin të garantojë qytetarët se është në krye të detyrës dhe e angazhuar për mbarëvajtjen e procesit zgjedhor dhe sigurinë e tyre në tërësi.

Për çdo informacion që disponon, çdokush mund të denoncojë në kushte anonimati në numrin unik 112 ose numrin falas të SHÇBA, 0800 90 90./CNA.al





Lajmet e fundit nga