web counter
LEXO PA REKLAMA!

SHKARKO APP

App Store
Google Play

E fundit!

x

Paralajmëron ambasadori italian/ Në BE po mbajnë shënime, kriza politike anormale

4 Qershor 2019, 07:14, Aktualitet CNA

Ambasadori italian në vendin tonë, Alberto Cutillo gjatë një aktiviteti në Shkodër, ka folur edhe në lidhje me krizën politike në vend.

Në një prononcim për mediat, ambasadori Cutillo theksoi se në Parlamentin Europian kriza politike në Shqipëri shihet si anormale.

Gjithashtu ai paralajmëroi se vendet anëtare të BE-së, po mbajnë shënime në lidhje me ngjarjet në Shqipëri.

?Zgjedhjet nuk mund të shtyhen pa një marrëveshje. Vendet e Bashkimit Europian po mbajën shënime mbi ngjarjet e fundit. Në Parlamentin Europian kriza në Shqipëri shihet si anormale.?-tha ndër të tjera ambasadori Cutillo.

Po ashtu ai u shpreh se në BE ka vende si Franca apo Hollanda që janë kundër Shqipërisë.

Ambasadori Cutillo shpjegoi edhe tre mundësitë që KE në mënyrë unanime mund të hapë negociatat.

“Tre janë mundësitë që KE në mënyrë unanime të hapë negociatat, ky është vendimi që Italia dëshiron por nuk jemi të sigurt nëse është një vendim unanim dhe nëse ndodh kjo caktohet një datë që mund të jetë ndoshta në fund të vitit për shkak të disa gjërave teknike.

Mundësia e dytë është një përgjigje negative dhe KE thotë që pavarësisht ndryshimeve nuk janë realizuar detyrat e lëna dhe në këtë rast KE mund të thotë asgjë duke mos kthyer përgjigje ose mund të thuhet se çfarë duhet bërë tjetër.

Mundësia e tretë është që KE ta shtyjë më vonë vendimin dhe kjo mund të ndodh sepse koha mes 29 majit dhe 20 qershorit është kohë e shkurtër, rreth një muaj dhe kush i ka parë raportet e BE janë shumë voluminoze dhe duhet kohë për t?i shqyrtuar dhe opsioni i tretë nuk do ishte i çuditshëm nëse ndodh.”-u shpreh Cutillo./CNA.al





Lajmet e fundit nga