web counter
LEXO PA REKLAMA!

SHKARKO APP

Destabilizon Rajonin/ Qeveria gjermane kundër korrigjimit të kufijve

29 Maj 2019, 19:13, Aktualitet CNA

Zyrtarja e Qeverisë Gjermane, Christiane Hullman, ka përsëritur edhe një herë, sot në Prishtinë, qëndrimin e Berlinit zyrtar se nuk e përkrahin idenë e presidentëve Thaçi e Vuçiç për korrigjim të kufijve.

?Gjermania nuk e mbështet një ide të tillë?, – ka thënë Hullman, në debatin e  organizuar nga “Ballkan Group”.

Sipas mediave kosovare, znj.Hullman ka thënë, gjithashtu, se një ide e tillë destabilizon të gjithë Rajonin.

?Ideja për shkëmbim të territoreve dhe korrigjim të kufijve rrit destabilitetin në të gjithë Rajonin?,-ka shtuar ndër të tjera ajo.

Një ide të tillë e ka kundërshtuar vazhdimisht edhe kancerlarja gjermane, Angela Merkel, e cila kishte përsëritur se një ide e tillë është e rrezikshme dhe se nuk e përkrahë. Përveç dy presidentëve të vëndeve në konflikt, Kosovës dhe Serbisë, përkatësisht Ashim Thaçi e Aleksandër Vuçiç, idenë e korigjimit të kufijve midis dy vëndeve e ka përkrahur dhe kryeministri shqiptar, Edi Rama, gjë për të cilën është fshikulluar nga kryeministri Haradinaj./CNA.al





Lajmet e fundit nga