web counter
LEXO PA REKLAMA!

SHKARKO APP

App Store
Google Play

Balla në festën e Shebenik-Jabllanicë/ 28 mijë turistë e vizituan parkun në 2018

26 Maj 2019, 10:50, Aktualitet CNA

Kreu i grupit parlamentar të PS, Taulant Balla së bashku me Ministrin Klosi dhe Kryetarin e Bashkisë së Librazhdit Kastriot Gurra, ishin të pranishëm në festën e Parkut Kombëtar Shebenik-Jabllanicë.

Në një postim në rrjetet sociale, Balla shkruan se me ?krenari themi sot se Parku i Shebenikut është, jo vetëm zona më e bukur, por edhe më e mbrojtur në Shqipëri dhe për këtë ka një meritë të jashtëzakonshme, AKZM dhe Ministria e Mjedisit.?.

Gjithashtu deputeti socialist, ndërsa nxit banorët të investojnë në bujtina, thekson se Parku i Shebenikut në vitin 2018-ën është vizituar nga 28 mijë turistë të huaj.

?28 mijë turistë e vizituan parkun e Shebenikut në vitin 2018, të huaj e vendas, ndërsa numri i tyre pritet të vijë në rritje, kjo edhe pas promovimit të shkëlqyer që po i bëhet zonës, kryesisht nga të rinj të apasionuar.

Tashmë një sërë aktivitetesh mund të zhvillohen në këtë park, guida me bicikleta, kanoe në liqenin Fushë Studës, alpinizëm etj, ndërsa ushqimi bio i zonës është i pakrahasueshëm.
Detyra jonë është të nxisim banorët e kësaj zone të investojnë në krijimin e bujtinave, pasi këtu numri i njësive akomoduese është shumë i vogël.?-përfundon Balla postimin e tij./ CNA.al





Lajmet e fundit nga