E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Patundshmëri dhe apartamente nga Tirana në Vlorë/ Hije dyshimi mbi pasurinë e skandalit Bujar Leskaj

25 Maj 2019, 09:58, Aktualitet CNA

Absurditetet dhe paligjshmëritë janë bërë praktikë në vendin tonë.

Pazaret politike, kanë marrë peng institucionet, duke i degraduar dhe shkatërruar çdo ditë.

Në një pazar të tillë është përfshirë edhe institucioni i Kontrollit të Lartë të Shtetit.

Skandali i prodhuar nga pazari politik mban emrin Bujar Leskaj, i cili pasi braktisi detyrën 6 muaj, pasi u mor me bizneset e veta, rikthehet papritur në detyrë.

Në muajin Dhjetor 2018 pas përfundimit të mandatit 7-vjeçar Leskaj u largua nga drejtimi i KLSH, duke ia lënë kompetencat zëvendës kryetares Lindita Lati (Milo).

Por, me 21 Maj 2019, Leskaj, nxjerr një tjetër vendim me të cilin shfuqizon dhënien e kompetencave tek zëvendëskryetarja Lindita Lati (Milo) si dhe duke vendosur për rikthimin e tij në detyrë.

Pingpongu i pazarit politik, Leskaj, në një vend normal, pas vendimit qesharak për rikthimin në detyrë, duhej të ishte hetuar nga Prokuroria.

Por, pavarësisht rastit precedent ashtu si aktorët politik edhe organet hetuese kanë heshtur.

Duke qenë se Leskaj, 6 muajt larg nga KLSH ka bredhur me projekte në biznese private, do të ishte e udhës që edhe Inspektoriati i Lartë të bënte një hetim të mirëfilltë mbi pasurinë e tij.

CNA.al, ka bërë një vëzhgim të pasurisë së Bujar Leskaj, sipas të dhënave të Open Spending Albania.

Në vitin 2012, Leskaj se vetëm nga qiratë e pasurive të patundshme në Tiranë ka të ardhura në shumën 24 000 euro.

Ndërsa bashkëshortja e tij, Silvana Leskaj, deklaron pagën si Drejtore e Diplomacisë Ekonomike 982 680 lekë. Në vitin 2012 ai deklaron se 15 000 euro i ka shpenzuar për shkollimin e fëmijëve.

Në vitin 2013 ai deklaron të ardhurat nga qiratë, pagën e tij si Kryetar i Kontrollit të Lartë të Shtetit në shumën 2 044 985 lekë.

Në të njëjtin vit ai blerë pasuri të patundshme, një truall me sipërfaqe 686 m2 në Tiranë, në shumën 46 000 dollarëve. Ai nuk e specifikon dollarin se cilit shtet i përket, por thotë është pronar në pjesën 20 % të kësaj pasurie.

Gjihashtu ai deklaron se ka paguar 20 000 euro për blerje të pjesës takuese 20/100 të një trualli me sip. 686 m2 në Tiranë. Ndërkaq 16 000 euro i ka shpenzuar për shkollimin e fëmijëve.

Në media është raportuar se vitin 2014, Kryetari i Kontrollit të Shtetit, Bujar Leskaj e ka shtuar pasurinë e tij me një truall në Tiranë, të blerë për 46 mijë dollarë.

Ndërsa në vitin vitin 2017, ai deklaron se ka të ardhura me vlerë 24 000 Euro si fitim i pashpërndarë në vite për aktivitetin e pezulluar dhe mbyllur.

Ai thotë se ka ka shitur apartamente në Tiranë dhe ka blerë një tjetër në Vlorë dhe se në llogari ka 24 486 Euro.

Më poshtë po sjellim pasurinë e deklaruar prej tij.

Viti 2012

Paga neto si Kryetar i Kontrollit të Lartë të Shtetit 2 044 985 lekë.

Interesa bankare në bankë të nivelit të dytë 867 dollar.

Interesa bankare në bankë të nivelit të dytë 1 692 euro.

Qira ndërtese për pjesën takuese 55/100 në Tiranë në vlerën 12 000 euro.

Qira apartamenti me sip. 130.33 m2 në Tiranë në vlerën 12 000 euro.

Bashkëshortja zonja Silvana Leskaj paga neto si Drejtore e Diplomacisë Ekonomike 982 680 lekë.

Detyrime të paguara në vlerën -5 000 euro për detyrimet shkollore të fëmijëve.

Detyrime të paguara në vlerën -10 000 euro për studimet universitare të vajzës në Itali.

Viti 2013

Paga neto si Kryetar i Kontrollit të Lartë të Shtetit 2 044 985 lekë.

Qira ndërtese për pjesën takuese 55/100 në Tiranë në vlerën 12 000 euro.

Qira apartamenti me sip. 130.33 m2 në Tiranë në vlerën 3 000 euro.

Bashkëshortja zonja Silvana Leskaj paga neto si Drejtore e Diplomacisë Ekonomike 982 680 lekë.

Detyrime të paguara në vlerën -4 000 euro për detyrimet shkollore të fëmijëve.

Detyrime të paguara në vlerën -12 000 euro për studimet universitare të vajzës zonja Xhesika Leskaj në Itali.

Detyrime të paguara në vlerën -46 000 dollar për blerje të pjesës takuese 20/100 të një trualli me sip. 686 m2 në Tiranë.

Detyrime të paguara në vlerën -20 000 euro për blerje të pjesës takuese 20/100 të një trualli me sip. 686 m2 në Tiranë.

Viti 2017

Të ardhura neto të vitit nga paga si Kryetar i Kontrollit të Lartë të Shtetit, 1 540 359 Lekë.

Të ardhura me vlerë 24 000 Euro si fitimi i pashpërndarë në vite për aktivitetin e pezulluar dhe mbyllur.

Bashkëshortja, të ardhura nga paga si Përgjegjëse Sektori në Ministrinë e Punëve të Jashtme, 889 027 Lekë.

I biri, të ardhura nga paga për periudhën Janar-Qershor 2017 në llogarinë pranë Raiffeisen Bak, 107 400 Lekë.

Pakësim me 29 946 Lekë në llogarinë e pagës së subjektit pranë Raiffeisen Bank, gjendja e të cilës në 31 Dhjetor 2017 është 265 946 Lekë.

Gjendje e llogarisë së subjektit në fund të vitit pranë Raiffeisen Bank, 24 486 Euro. Gjendja e llogarisë reflekton të ardhurat e mbetura nga shitja e apartamentit në Tiranë dhe blerja e shtëpisë në Vlorë.

Pakësim me 195 Lekë në llogarinë rrjedhëse të bashkëshortes pranë Credins Bank, gjendja e të cilës në 31 Dhjetor 2017 është 195 981 Lekë.

Nuk ka ndryshim në llogarinë e bashkëshortes pranë Credins Bank.

Nuk ka ndryshim në depozitat në euro pranë Raiffeisen Bank, në emër të fëmijëve.

Nuk ka ndryshim në llogaritë në Euro dhe USD në emër të bashkëshortes, pranë Credins Bank.

Pakësim me 15 966 Lekë në llogarinë e pagës të djalit Z.Klaus Leskaj, gjendja e të cilës në 31 Dhjetor 2017 është 8 900 Lekë.

I biri, pakësim me 9 897 Euro në llogarinë pranë Procredit Bank, si pasojë e transferimit të shumës prej 9 541 Euro dhe depozitimeve për kursime me vlerë 1 500 Euro pranë Raiffeisenabank. Gjendja e llogarisë në 31 Dhjetor 2016 ishte 9 897 Euro dhe në 31 Dhjetor 2017 bëhet 0 Euro.

I biri, shtesë me 414 Euro në llogarinë rrjedhëse pranë Raiffeisenbank Ëien. Gjendja e llogarisë në 31 Dhjetor 2016 ishte 1 605 Euro dhe në 31 Dhjetor 2017 bëhet 2 019 Euro./CNA.al