A do të protestojë, sot Monika edhe për 200 mijë eurot e Ilirit?

25 Maj 2019, 07:09, Aktualitet CNA

Sot, Opozita joparlamentare ka thirrur një protestë, para Kryeministrisë.

Largimi i kryeministrit Edi Rama dhe një Qeveri teknike janë kërkesat kryesore që rendit, Opozita, që nga muaji Shkurt, kur braktisi Kuvendin.

Një natë më parë, kryetarja e LSI-së, të paktën kjo që njihet zyrtarisht Monika Kryemadhi, u ka bërë thirrje qytetarëve për pjesëmarrje në protestë.

Madje, ajo ka folur edhe për mëkate. Nuk dihet nëse e ka fjalët mëkatet e luksit ku ajo jeton, mëkatet e e qindra mijëra eurove që paguan për shkollimin e fëmijëve jashtë vendit, apo për mëkatet e blerjes së votave me 200 mijë eurot që bashkëshorti i saj Ilir Meta ia kërkonte Kastriot Ismailajt.

“Mos ndaloni në asnjë moment, por njoftoni miq, shokë, komshinj, familjarë, të jemi të gjithë nesër në Bulevardin ?Dëshmorët e Kombit? në orën 19.00. Edhe pse është muaji i Ramazanit ku shumë shqiptarë agjërojnë, që ua bëftë Zoti dritë dhe t?u falë atyre mundimet, por të na falë mëkatet edhe ne të tjerëve që i kemi dhënë pushtetin Edi Ramës dhe atë pushtet e ka kthyer në të kundërt të shqiptarëve, prandaj do të jemi të gjithë për të treguar që ne do marrim përsipër çdo gjë që ka të bëjë me të ardhmen e fëmijëve të shqiptarëve”, ka shkruar Kryemadhi në rrjetet sociale.

Më tej ajo ka thënë se do të marrin përsipër çdo përgjegjësi që shpëton dhe çliron shqiptarët nga kapja e krimit të organizuar.

Për çfarë përgjegjësish e ka pasur fjalën Kryemadhi? Mos do të çojë bashkëshortin në burg?

Se te blesh dhe manipulosh zgjedhje, si në rastin e bashkëshortit të saj, nuk është më vetëm krim zgjedhor, por edhe i organizuar.

Pasi ato 200 mijë që Meta ia kërkonte Kastriot Ismailajt, dy ditë para zgjedhjeve vendore të 2009, ishin para që vinin nga kompani offshore dhe pastroheshin në Shqipëri.

A do të protestojë, sot Monika edhe për 200 mijët e Ilirit?

Për rifreskim të kujtesës së Monikës që i dhimbsen qytetarët, CNA.al po i kujton se si u zbuluan 200 mijët e bashkëshortit të saj,

Teksa Kastriot Ismailaj ishte në përgjim prej vitit 2008, prokurorisë i ka rënë në dorë edhe një SMS e marrë nga Ismailaj, (i akuzuar për pastrim të rreth 7 milionë eurove), nga një numër telefoni (0682031701) që ishte në përdorim të Ilir Metës.

Gazetari Artan Hoxha,pak ditë më parë tha se presidenti Ilir Meta është i përfshirë në atë që ai e quan dosja ?978?.

Pasi, me datë 22 qershor të vitit 2009, dy ditë para zgjedhjeve, sipas Hoxhës, ky biznesmen ishte kontaktuar nga Ilir Meta, i cili i kishte kërkuar 200 mijë euro.

SMS është derguar më 22 qershor 2009 ora 17:27:

“Nesër në darkë (më 23 qershor), duhet të takohemi patjetër. Më duhen 200 mijë patjetër. Mos harro”.

Monika kur të protestojë, të lajë edhe këtë mëkat të bashkëshortit, por mëkatet i janë bërë shumë, saqë edhe burgu nuk ua “lan” dot./CNA.al