web counter
LEXO PA REKLAMA!

SHKARKO APP

App Store
Google Play

Protesta e opozitës/ Duka: Ta rrëzojmë këtë sistem hibrid

24 Maj 2019, 18:50, Aktualitet CNA

Aleati i Lulzim Bashës, Agron Duka, në një postim në rrjetet sociale, ka bërë thirrje për pjesëmarrje masive në protestën e nesërme që do të organizohet nga opozita.

Sipas Dukës, kjo protestë nuk është për të shtyrë datën e zgjedhjeve por për të kërkuar të drejtën e çdo shqiptari  tek e ardhmja.

Duka ka bërë thirrje për rrëzimin e tranzicionit hibrid që ka prodhuar një demokraci të rreme.

Postimi i plotë:

Protesta e nesërme nuk është për të shtyrë zgjedhjet e 30 qershorit, pasi 30 qershori ka rënë në momentin që mazhoranca provoi, nëpërmjet shkeljeve ligjore në KQZ, se nuk ka hequr dorë nga krimi elektoral. Protesta e nesërme është për të kërkuar, edhe njëherë edhe më fortë, të drejtën e çdo shqiptari për të mos pasur frikë nga e ardhmja.

Për të dëshmuar, me praninë tonë, vullnetin për të ringritur institucionet e rëna pre e babëzisë për pushtet. Për të ndarë, në respekt të Kushtetutës, pushtetet e mbledhura në një dorë të vetme. Për të ndërtuar një sistem të ri politik, në lartësinë e ambicieve të qytetarëve për të qenë të përfaqësuar denjësisht, nëpërmjet votës të lirë nga zgjedha e krimit dhe e politikës të lidhur me të.

Për këtë arsye ju bëj thirrje që nesër, bashkë me familjet tuaja, të ushtroni të drejtën që kaq gjatë ju është mohuar. Të jepni, me praninë tuaj, një ?votë? simbolike për ndryshimin e këtij sistemi, për rrëzimin e tranzicionit dhe këtij sistemi hibrid, që ka prodhuar një demokraci të rreme, e cila është po aq e rrezikshme sa diktatura që kemi lënë pas./CNA.al





Lajmet e fundit nga