E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Bindja Demokratike “aksesor” i Ramës?/ Andi Përmeti iu mbyll gojën të gjithëve

23 Maj 2019, 07:24, Aktualitet CNA

Deputeti Andi Përmeti i është përgjigjur sot të gjithë atyre kritikëve të cilët Bindjen Demokratike, e kanë cilësuar si ?aksesor? të kryeministrit Rama.

I ftuar në studion e A2 CNN, Përmeti theksoi se asnjë nga njerëzit themelues apo anëtar të bordit drejtues të Bindjes Demokratike, asnjëherë të vetme nuk kanë thënë qoftë edhe një fjalë pozitive për Ramën dhe aq më tepër të jenë ulur e të kenë bërë marrëveshje me të.

I pyetur nga gazetarët, sesi do t?i bindë njerëzit se nuk është ?aksesor? i Ramës, Përmëti ua ka mbyllur gojën të gjithëve, ndërsa theksoi se ?Bordi drejtues i Bindjes Demokratike, ka njerëz që gjithë jetën nuk kanë thënë një fjalë pozitive për Ramën. Nëse ka njerëz që janë ulur e kanë bërë marrëveshje me Ramën janë në PD, ne jemi ata që na kanë nxjerrë jashtë gardhit se dolëm kundër asaj marrëveshje. Ne duam vetëm të na lënë tju tregojmë sesa përballë Ramës do të jemi?.

Gjithashtu deputeti Përmeti deklaroi se Bindja Demokratike do të punojë për ndryshimin total të sistemit.

?Këta janë mësuar me monopol, çdo njeri ka të drejtë të bëjë opozitarin, nuk mund të na paragjykojnë që në fillim.

Kandidatët tanë janë të gjithë njerëz që kanë dalë kundër qeverisë. Ne kemi njerëz që në asnjë ditë të jetës së tyre nuk kanë pasur një marrëdhënie me qeverinë, por kanë qënë përballë qeverisë. Ne duam, të ofrojmë një model ndryshe nga monopoli që kanë këta. E keqja është sistemi elektoral, i cili i jep superfuqi kryetarit të parisë. Ata mendojnë se kanë të drejtë të bëjnë cfarë të duan në këtë vend, por duhet kontrolluar pushteti i tyre. Kjo do ishte fitore e madhe?.

Sa i takon kreut të PD-së, Lulzim Basha, deputeti Përmeti tha se ai është i pasinqertë në premtimet e tij, sepse i ka pasur të gjitha mundësitë të ndryshojë sistemin por nuk ka dashur ta bëjë një gjë të tillë.

?Nëse unë kam pasur hapësirë vetëm rrjetet sociale apo studiot televizive për të ngritur zërin kundër sistemit, Lulzim Basha i ka pasur të gjitha mundësitë për ta realizuar një gjë të tillë. Ai është i pasinqertë në deklaratat që bën për ndryshim të sistemit. Unë isha kundër djegies së mandateve. Ai mund at kishte detyruar Ramën të ndryshonte sistemin dhe të kushtëzonte djegien e mandatëeve pikërisht më këtë. Por, ai nuk ka dashur, ai nuk do t?i preken listat, po i preke listat, me mire ti marrësh shpirtin?-tha Andi Përmeti.

Deputeti Përmeti nuk ka kursyer edhe kryeministrin Rama, i cili sipas tij ndryshoi kabinetibn qeveritar live, pa marrë parasysh mendimin e askujt dhe asnjë nuk mundet të reagojë, sepse ai ka listat.

?Rama doli e ndryshoi ministrat. Mori ca njerëz nga rruga, njerëz të panjiohur dhe i bëri ministra e askush nuk i thotë asgjë, sepse ai ka listat?-u shpreh ndër të tjera deputeti Andi Përmeti./ CNA.al