E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Ironia therëse e Dylgjerit/ Rama, si "qeni i Menkulasit", e hëngri dhe Gjylametin...

17 Maj 2019, 13:20, Aktualitet CNA

Gazetari Ylli Dylgjeri, nëpërmjet një ironie therëse ka reraguar në lidhje me sulmin që PS i bëri gazetës gjermane Bild, pas shkrimit për Shqipërinë.

Dylgjeri, në një postim në rrjetet sociale, PS e cilëson si ?stallë?, Ramën si si “qeni i Menkulasit”, ndërsa deputetët, si ?rojet e tij?.

Dylgjeri ironizon Ramën, pasi ky i fundit tha se në lidhje me sulmin ndaj gazetës Bild, deputetja Gjylameti ?ka dalë me kokën e saj dhe nuk më ka pyetur mua!?.

Sipas Dylgjerit, Rama nxitoi ta shiste deputeten në fjalë.

Më tej, Dylgjeri rrëfen edhe një histori të shkruar nga shkrimtari (i ndjeri) Dritëro Agolli, te libri “Jeta në Letërsi”, ku ndër të tjera shkruhej se ?Brigadieri ynë në blektori pas leximit të fjalës së Enverit për burokracinë i ndron rojet e stallës së viçave 1 herë në javë që të mos “ambjentohen”. Qeni i stallës nuk i njeh dhe i ha!…?

Sipas Dylgjerit, kështu edhe Rama, s’po i njeh më rojet e Tij në stallën PS. E hëngri dhe Gjylametin…

Postimi i Dylgjerit:

Rama, si “qeni i Menkulasit”

-Pasi punova për Ben Ahmetin po shkruaj diçka edhe për Gjylametin!

I pyetur se pse nxore deputeten Gjylameti të sulmojë gazetën kryesore Gjermane Bild, Edi Rama nxitoi ta shiste deputeten në fjalë.

Ai tha se Ajo ka dalë me kokën e saj dhe nuk më ka pyetur mua!

Këtu mu kujtua një histori e shkruar nga shkrimtari (i ndjeri) Dritëro Agolli, te libri “Jeta në Letërsi”. Autori me elegancë përshkruan atmosferën revolucionare që krijohej në vend pas përvjetoreve të fjalimeve të Udhëheqësit të kohës Enver Hoxha. Bëhej fjalë për fjalimin e Tij të 6 Shkurtit…për Zakonet e vjetra, burokracinë, dhe vajtjen në bazë të kuadrit, etj.

“Punoja në gazetën “Zëri i Popullit” dhe kisha porosi të shkruaj për jehonën e fjalës, por nuk po gjeja një fabul për të nisur shkrimin-thotë Ai.

Në këtë kërkim, më vjen një ftesë dasme për në Menkulas, në fshatin tim të lindjes. Një djalë fshati martohej e Unë duhet të isha dasmor.

…mbrita në Menkulas. Dasma bëhej në Shtëpinë e Kulturës e fshati ishte i tëri aty…

Filloj rakia e muzika, unë me kryesinë e kooperativës ishim ulur në tavolinën qëndrore kur prapritur hapet dera e sallës dhe hyn i trembur një fshatar që punonte në blektori.

Pasi i afrohet Kryetarit, i thotë i pikëlluar:

E hëngri dhe tjetrin!

Në tavolinë plasi gazi…

Çka ndodhur? – pyes Unë

Kryetari më sqaron: Brigadieri ynë në blektori pas leximit të fjalës së Enverit për burokracinë i ndron rojet e stallës së viçave 1 herë në javë që të mos “ambjentohen”. Qeni i stallës nuk i njeh dhe i ha!…

Kështu edhe Rama, s’po i njeh më rojet e Tij në stallën PS. E hëngri dhe Gjylametin…/ CNA.al