web counter
LEXO PA REKLAMA!

SHKARKO APP

App Store
Google Play

E fundit!

x

Miliona fonde për gruan dhe të afërmit e tij/ Kastriot Gurra rilindi apo zhvati Librazhdin  

16 Maj 2019, 13:13, Aktualitet CNA

Në fillim të muajit Prill Edi rama prezantoi si kandidat për të udhëhequr Bashkinë e Librazhdit, kryetarin aktual Kastriot Gurra.

Ky i fundit shpeshherë ka qenë në objektivin e Partisë Demokratike, edhe para të bëhej kryetar i Bashkisë së Librazhdit.

Në vitin 2015, gjatë kohës që Gurra ishte shpallur kandidat nga PS, për kryetar të Bashkisë së Librazhdit, Luciano Boçi në cilësinë deputetit të PD, në një deklaratë për mediat akuzoi kandidatin e majtë se në periudhën që drejtonte komunën e Qukësit u ka bërë shumë favore të afërmëve të tij.

Sipas Boçit, Gurra, kishte  ?shpikur? përmbytje për t’u dhënë miliona para të afërmve të tij.

?Rekord të kandidatit të qeverisë për Librazhdin. Kur ishte kryetar i komunës Qukës dhe miliona e miliona fonde për të afërmit e tij, kryesisht gruan, duke shpikur përmbytje. Kryeson listën Halit Gurra, babai i Kastriotit, arsye reshjet, më tej i dyti është xhaxhai i tij, e më tej kushërinjtë. Realiteti i të gjitha këtyre raste është fiktiv
Qytetarët e Librazhdit e dinë mirë se çfarë u ka servirur qeveria dhe në 21 qershorë do të votojnë drejtimin e duhur për punë dhe dinjitet?, ka deklaruar Boçi në vitin 2015.

Ndërsa në vitin 2017, në media është raportuar se kryetari i Bashkisë së Librazhdit, Kastriot Gurra është paditur penalisht për tjetërsim prone të një shtetasi në kohën kur ishte drejtor i ALUIZNI-t në Elbasan.

Padia, u tha se është bërë nga shtetasi Flamur Harri me banim në Elbasan, pasi Kastriot Gurra kur ka qënë në krye të ALUIZNI-t nga viti 2013 deri kur u zgjodh kryetar bashkie në Librazhd, ka tjetërsuar disa prona. Nuk dihet se çfarë ka ndodhur me këtë rast, po përderisa kryeministri Edi Rama e konfirmoi për një mandat të dytë, kuptohet edhe epilogu i drejtësisë.

CNA.al ka bërë një vëzhgim të pasurisë së kandidatit socialist Kastriot Gurra, sipas të dhënave të Open Spending Albania.

Në vitin 2014 ai deklaron 6 burime të ardhurash, përfshirë këtu edhe bashkëshorten si dhe pesë llogari bankare.

Në vitin 2016, nuk deklaron shtim të pasurisë, ndërsa në vitin 2017, ka blerë një apartament me sipërfaqe 125,5 m2 dhe vlerë 5 522 440 Lekë. Nuk srpcifikon vendin ku ka blerë apartamentin.

Më poshtë po sjellim pasurinë e deklaruar nga kryebashkiaku Kastriot Gurra.

Viti 2014

Të ardhura nga paga si drejtor i ALUIZNI-t, Elbasan, 77 986 lekë/muaj.

Të ardhura nga paga si anëtar i këshillit të qarkut Elbasan, 9 360 lekë/muaj.

Të ardhura nga paga si anëtar i Këshillit të komunës Qukës, 7 155 lekë/muaj.

Të ardhura nga paga e bashkëshortes, 41 000 lekë/muaj.

Të ardhura nga paga e bashkëshortes në komunën Lunik, 18 000 lekë/muaj.

Të ardhura nga paga e bashkëshortes në komunën Velçan, 18 000 lekë/muaj.

Gjendja e llogarisë bankare në një bankë të nivelit të dytë, 5 034 lekë.

Gjendja e llogarisë bankare në një bankë të nivelit të dytë, 950 000 lekë.

Gjendja e llogarisë bankare në një bankë të nivelit të dytë, 142 451 lekë.

Gjendja e llogarisë bankare në një bankë të nivelit të dytë, 617 lekë.

Kredi bankare në një bankë të nivelit të dytë, 1 900 000 lekë, detyrimi financiar i pashlyer, 1 728 665 lekë.

Kredi bankare në një bankë të nivelit të dytë, 350 000 lekë, detyrimi financiar i pashlyer, 183 146 lekë.

Bashkëshortja, gjendja e llogarisë bankare në një bankë të nivelit të dytë, 9 824 lekë.

Viti 2016

Të ardhura nga paga si Kryetar i Bashkisë Librazhd, 1 140 000 lekë.

Të ardhura si Anëtar I Këshillit të Qarkut Elbasan, 182 400 lekë.

Bashkëshortja, Znj. Elsa Gurra, të ardhura nga paga 41 922 lekë në muaj.

Babai, Z. Hasan Gurra, pension pleqërie, 12 636 lekë në muaj.

Nëna, Znj. Hekurane Gurra, pension pleqërie, 14 476 lekë në muaj.

Shlyer në vitin 2016 -286 906 lekë për kredi bankare marrë më 01.09.2011 me principal 1 900 000 lekë. Detyrimi i mbetur më 31 dhjetor është 1 613 094 lekë./

Shlyer në vitin 2016 -297 367 lekë për kredi bankare marrë më 01.09.2011 me principal 350 000 lekë. Detyrimi i mbetur më 31 dhjetor është 52 633 lekë.

Viti 2017

Të ardhura neto të vitit me vlerë 915 748 Lekë, nga paga si Kryetar i Bashkisë Librazhd.

Të ardhura me vlerë 45 000 nga mësimdhënia në Universitetin e Elbasanit.

Të Bashkëshortja, të ardhura neto me vlerë 536 379 Lekë nga paga si specialiste pranë QKB.

Të ardhura me vlerë 112 200 Lekë si anëtar i Këshillit të Qarkut Elbasan

Shtesë me 128 725 Lekë në llogarinë bankare pranë BKT. Gjendja e llogarisë në 31 Dhjetor 2016 ishte 77 659 Lekë dhe në 31 Dhjetor 2017 u bë 206 394 Lekë.

Pakësim me 300 000 Lekë i gjendjes cash, gjendja e të cilës në 31 Dhjetor 2016 ishte 600 000 Lekë dhe në 31 Dhjetor 2017 u bë 300 000 Lekë.

Shtesë me 84 018 Lekë në llogarinë pranë Union Bank në emër të djalit, gjendja e të cilës në 31 Dhjetor 2016 ishte 26 152 Lekë dhe në 31 Dhjetor 2017 u bë 350 170 Lekë.

Pakësim me 1 475 375 Lekë në llogarinë bankare pranë Raiffeisen Bank, gjendja e të cilës në 31 Dhjetor 2016 ishte 1 457 375 Lekë dhe në 31 Dhjetor 2017 u bë 0 Lekë.

Revokim kontratë porosie me datë 28.04.2017 e realizuar në 15.07.2017, për blerje apartamenti nga kompania Ergi. Të ardhurat nga revokimi me vlerë 3 450 000 Lekë kanë kaluar për blerje apartamenti sipas pikës më poshtë.

Bashkëshortja,shtesë me 541 992 Lekë në llogarinë pranë Alpha Bank, si pasojë e transferimit të shumës prej 450 000 Lekë nga bashkëshorti dhe të ardhura nga paga vjetore. Gjendja e llogarisë në 31 Dhjetor 2016 ishte 42 134 Lekë dhe në 31 Dhjetor 2017 u bë 584 126 Lekë.

Është shlyer shuma prej 113 173 Lekë për kredinë me principal 1 900 000 Lekë e marrë pranë BKT në datë 01.09.2011. Gjendja e detryimit të mbetur në 31 Dhjetor 2017 është 1 552 553 Lekë.

Është shlyer shuma prej 52 663 Lekë për kredinë me principal 350 000 Lekë të marrë pranë BKT në datë 01.09.2011. Detyrimi për kredinë është mbyllur brenda vitit.

Blerje apartamenti me sipërfaqe 125,5 m2 dhe vlerë 5 522 440 Lekë, sipas kontratës me datë 08.05.2017. Gjatë vitit u shlye vlera prej 4 500 000 Lekë nëpërmjet të ardhurave me vlerë 3 450 000 Lekë nga revokimi i kontratës së mëparshme dhe nga shuma prej 1 049 982 e tërhequr nga llogaria pranë Raiffeisen Bank. Shuma e mbetur e detyrimit prej 1 022 440 do të likudohet në 5 vitet e ardhshme me këste prej 204 488 Lekë./CNA.al

 

 

 





Lajmet e fundit nga