E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Për mbështetësit e protestës

14 Maj 2019, 07:58, Aktualitet CNA

Nga Zef ZEFI

Shtetin e shqiptarwve mbas 1912 e mbyten qysh kërthi shumica e beglerëve kozmopolitë që e kishin humbur lidhjet, ndjesine dhe përgjegjësinë për atdheun.

“Arma” e tyre nuk mund të ishte Shqiperia me shtetin e saj postvestfalik, por perandoria e vdekur e Bosforit.

Kjo shumicë nostalgjikësh arritën ta çmontonin, pengonin e shkatërronin disa herë shoqërinë e brishtë të shqiptarve bashkë me shtetin e tyre.

Kalimi në shumicë gjatë e mbas Kongresit të Lushnjes i feudalëve e borgjezëve kombëtar e kombëtaristë ia doli me shumë vështirësi e peripeci të strukturojë shtetin e prosperimit të shqiptarve deri ne fillim të luftës së II Botërore.

Por kozmopolitët antishqiptarët dhe nostalgjikët e Perandorive duke abuzuar me luftën çlirimtare e shkatërruan prap shtetin kombtar në favor të një perandorie tjetër feudaliste e gjakatare, asaj ruso-sovjetike.

Skenari i mos-shtetit ose shtetit satrap ku asistojmë sot është pothuajse i njejti.

Janë të njejtit beglerë kozmopolitë, e nostalgjikë jo më të Bosforit, po të perandorisë staliniste konvergjente me të parën që fatkeqësisht janë shumicë blerësish, grabitësish dhe tjetërsuesish të pasurisë dhe vullnetit shqiptar për prosperim.

Në anën të tyre është mbretërimi prej 24 Maj 1944 gjithsejt 75 vjet përjashtuar 10 vjet me mazhoranca të brishta të borgjezisë e mikroborgjezisë kombtariste, të sakatuar nga regjimi i këtyre kozmopolitëve gjakatarë.

Ky skllavërim gati shekullor i favorizon këta duke e mbajtur të mpirë akoma ndërgjegjen kombtare të qytetarit dhe të varur prej tyre.

Sot Shqipërinë dhe Shtetin e shqiptarve e kanë kapur për fyti të njejtat duar të përgjakura të feudo-rilindasve kozmopolitë-soroistë anti atdhetar.

Leximi i xhufi-zmave, dëgjimi i rami-z-mave nëpër panele pseudopublicistike eshtë humbje kohe dhe dëm sepse janë lëndë anestetike njëlloj si LHL te policisë që bejnë sikur mbrojnë institucionet e shtetit, po në fakt mbrojnë atë të krimit të organizuar, atij politik dhe ekonomik e mafioz të identifikuar tashmë në qeveri, Parlament dhe institucione vendore.

Ndaj lëvizja është frymëmarrje për të marrë pak frymë nga ky lak në fytin e shoqërisë. Protesta është reagim i një trupi të sulmuar që reagon.

Askush nuk ka përse të besojë se krejt e mira, kombtaristët, e patriotët janë mbledhur në anën e reaguesve, protestuesve, siç nuk mund të themi se në palën e sunduesit mungon ky formacion. Kjo e sigurtë.

Por lëvizja reagimi protesta permanente, paqësore e kembëngulëse janë i vetmi antikorp për mbijetesë të çdo kombi në këto rrethana.