E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ra në përgjimin e Krimeve të Rënda/ Zbulohet pasuria e prokurorit sekser

8 Maj 2019, 09:24, Aktualitet CNA

Një prokuror ka rënë në kurthin e përgjimeve të Policisë dhe Krimeve të Rënda. Ai është prokurori i Gjirokastrës Spartak Çoçoli.

Dje, Drejtori i Përgjithshëm i Policisë Ardi Veliu, njoftoi sot se në kuadër të operacionit, ku u arrestuan 14 persona u zbulua si i përfshirë në një rast korrupsioni edhe prokurori i Gjirokastrës Spartak Çoçoli, i cili ka dalë nga përgjimet e një grupi narko trafikantësh.

?Në kuadër të këtij hetimi u evidentua një rast i dyshuar korrupsioni në sistemin e drejtësisë. Në datë 24 janar 2019 u ndaluan shtetasit E. H., banues në Tiranë dhe E. D., banues në Përmet, si dhe u procedua masa e sigurimit personal ?Detyrim për tu paraqitur në policinë gjyqësore? dhe ?Pezullim i ushtrimit të detyrës publike? i shtetasit S. Ç., banues në Gjirokastër (Prokuror pranë Gjykatës së Shkallës së Parë Gjirokastër). Këta shtetas janë akuzuar për veprat penale ?Korrupsion aktiv i gjyqtarit, prokurorit dhe i funksionarëve të tjerë të drejtësisë?, ?Deklaratë e rreme përpara oficerit të policisë gjyqësore?, ka thënë drejtori i PSH, Ardi Veliu.

Pas zbulimit të emrit të tij nga përgjimet, në Janar të këtij viti, Gjykata e Krimeve të Rënda, vendosi pezullim nga detyra dhe detyrim paraqitje për prokurorin.

“Për të hetuarin Spartak Çoçoli, i dyshuar për veprën penale te “Korrupsionit pasiv të gjyqtarëve prokurorëve dhe funkionarëve të tjerë të drejtësisë”, parashikuar nga neni 319/ç i K.Penal është nxjerrë masa e sigurimit personal e karakterit shtrëngues “detyrim për t’u paraqitur në policinë gjyqësore” dhe masa e sigurimit personal e karakterit ndalues “Pezullim i ushtrimit të një detyre a shërbimi publik” parashikuar nga nenet 234 dhe 242 te K.pr.P.”, thuhej në njoftimin e Prokurorisë për Krime të Rënda.

Çoçoli dyshohet se ka tentuar të çlirojë nga sekuestroja një automjet të bllokuar , kundrejt 20 mijë lekëve. Por, pas kontrollit të banesës së tij, Policia nuk gjeti asgjë të dyshimtë.

Pas trumbetimit të emrit të prokurorit Çoçoli nga organet hetuese, CNA.al ka bërë një vëzhgim mbi pasurinë e tij, referuar të dhënave të Open Spending Albania.

Por, që nga viti 2003 dhe deri ne vitin 2016, rezulton se të ardhurate vetme ai i ka nga paga e tij si prokuror dhe paga e bashkëshortes së mësuese.

Viti 2003

Të ardhurat nga paga si prokuror në Gjirokastër, 1.1157 lekë.

Viti 2004

Autoveturë e tipi Reno-Clio, viti i prodhimit 1992, me vlerë 200 000 lekë.

Të ardhurat nga paga, 978 150 lekë.

Viti 2005

Paga si prokuror, 1085079 lekë.

Paga e bashkëshortes, mësuese gjimnazi në Gjirokastër, 276000 lekë.

Viti 2006

Paga si prokuror, 934 631 lekë

Paga e bashkëshortes, mësuese gjimnazi në Gjirokastër, 216 000 lekë.