E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Indrit Hoxha refuzon mandatin/ "Shpërthen" në sallën e Kuvendit

8 Maj 2019, 08:16, Aktualitet CNA

Në seancën e sotme plenare pritej të betoheshin 3 deputetë të PD dhe një deputet i LSI.

Indrit Hoxha nga e PD ka refuzuar mandatin e deputetin.

Hoxha kishte bërë kërkesë që të ishte pjesë e Parlamentit por ditën e sotme ai ka refuzuar të bëhet deputet dhe nuk është betuar.

Ndër të tjera ai tha se në këtë Parlament janë vrasësit e Azem Hajdarit, prandaj nuk dua të jem pjesë e këtij Parlamenti.

Në momentin që kryetari i Kuvendit, Gramoz Ruçi thirri emrin e tij që ngrihej nga karrigia dhe të betohej, ai e refuzoi.

“Une Indrit Hoxha, kandidat ne listen vijuese te Partise Demokratike te Shqiperise ndermarr sot kete akt politik ne emer te babait tim te ndjere Fatmir Hoxha, i burgosur politik i regjimit kriminal qe nuk reshti deri ne frymen e fundit luften per liri dhe demokraci. E ndermarr kete akt politik ne shenje revolte dhe neverije kunder krimit te rilindur te ketij parlamenti ilegjitim dhe ne respekt te vlerave te familjes time dhe sidomos ato qe im ate me la trashegimi.

Refuzoj te marr mandatin e deputetit ne nje vend ku klika kriminale ne pushtet ka asgjesuar Gjykaten Kushtetuese dhe Gjykaten e Larte dhe ka kapur drejtesine.

Refuzoj te marr mandatin ne Parlamentin ilegjitim qe e drejton urdheruesi i vrasesve te Arben Brocit dhe shokeve te tij ne masakren e 2 Prillit.

Refuzoj te behem pjese e nje Parlamenti ilegjitim ku ulen hetues dhe prokurore te diktatures te cilet kane torturuar dhe vrare te rinj shqiptare.

Refuzoj te marr mandatin ne nje parlament ilegjitim ku ne karriken e kryeministrit ulet i biri i njeriut qe firmosi per varjen e poetit Havzi Nela.

Refuzoj te behem pjese e nje parlamenti ilegjitim ku ndodhen urdheruesit e vrasjes se tribunit te demokracise Azem Hajdari.

Ky nuk eshte parlament, por galeri e krimit. Fundi i kesaj farse kriminale eshte shume i afert.

Une refuzoj te bej betimin dhe te marr mandatin sepse ai mandat i takon popullit dhe jo krimineleve, hajduteve dhe delenxhinjve qe ndodhen sot ketu.

Rrofte Shqiperia.

Rrofte Demokracia.

Zoti i bekofte shqiptaret” tha ai.

Kreu i Kuvendit, Gramoz Ruçi i tha se ai kishte kërkuar vet të ishte pjesë e deputetëve në Parlamnet.

“Rrugë e mbarë, suksese në jetë”, -shtoi Ruçi pa u shqetësuar. Ndërkohë që tre beputet e tjerë e bënë betimin dhe e morën mandatin e deputetit. Deputetët që u betuan ishin Kujtim Gjuzi, Koçi Tahiri nga radhër e PD-së, dhe Klajdi Qama nga radhët e LSI./CNA.al