web counter
LEXO PA REKLAMA!

SHKARKO APP

App Store
Google Play

E fundit!

x

Dosja hetimore del në media/ Prokuroria kërkon ndalimin e publikimit të përgjimeve

8 Maj 2019, 15:22, Aktualitet CNA

Sot, në disa media elektronike, janë publikuar bisedat telefonike të përgjuara, ku disa shtetas nën hetim kanë zhvilluar me njëri ? tjetrin, gjatë harkut kohor shtator 2018 ? maj 2019.
Bëhet fjalë për një hetim të Prokurorisë së Krimeve të Rënda. Pas publikimit të përgjimeve ka reaguar prokurori i çështjen Anton Martini, i cili dje bashkë me Drejtorin e Përgjithshëm të Policisë Ardi Veliu, në një konferencë për shtyp, dhanë informacione mbi rezultatet e hetimit.

Prokurori Martini në bazë të të neneve 103 dhe 104 të K.Pr.Penale ka kërkuar që të ndalohet publikimi në media i disa pjesëve të dosjes hetimore.

“Nisur nga fakti se publikimi i bisedave të përgjuara që gjenden në pjesën arsyetuese të këtij vendimi, cënojnë sekretin e hetimit paraprak lidhur me proçedimin penal Nr.173, të vitit 2018, i cili nuk ka përfunduar akoma, ç`moj se duhet ndaluar publikimi i tyre nëpërmjet shtypit ose çdo lloj forme tjetër informacioni masiv”, thuhet në arsyetimin e prokurorit Martini.

Me datë 24.09.2018, nga ana e Prokurorisë pranë Gjykatës së Shkallës së Parë për Krime të Rënda Tiranë, është regjistruar proçedimi penal Nr.173, lidhur me veprat penale të ?Trafikim i narkotikeve? kryer në kuadër të një grupi të strukturuar kriminal, të parashikuara nga nenet 283/a dhe 333/a të K.Penal, në bazë të materialeve të referuara nga ana e Drejtorisë së Përgjithshme të Policisë së Shtetit.

Pas një hetimi proaktiv disa mujor, më datë 02.05.2019, Prokuroria i është drejtuar me kërkesë Gjykatës së Shkallës së Parë për Krime të Rënda Tiranë, për caktimin e masave të sigurimit personal për 26 shtetas, të dyshuar se kanë kryer veprat penale të parashikuara nga nenet 283/a/2, 333/a, etj, të K.Penal.

Me vendim Nr.81, datë 06.05.2019, Gjykata e Shkallës së Parë për Krime të Rënda Tiranë miratoi kërkesën e Prokurorisë, duke caktuar kështu, masat e sigurimit personal për shtetasit e dyshuar. Policia e Shtetit e ngarkuar me ekzekutimin e këtij vendimi, po më datë 06.05.2019, bëri të mundur ekzekutimin e 20 prej masave të sigurimit personal, ndërsa për 6 persona nuk u bë e mundur, pasi nuk u gjetën në vendin ku jetonin dhe punonin dhe për ta vijojnë kërkimet./CNA.al





Lajmet e fundit nga