web counter
LEXO PA REKLAMA!

SHKARKO APP

App Store
Google Play

E fundit!

x

 Basha rikthehet tek premtimet e çadrës/ President nga populli,  Parlament me 100 vende

8 Maj 2019, 14:44, Aktualitet CNA

Kreu i Partisë Demokratike Lulzim Basha ditën e sotme nga qyteti e Korçës ku zhvilloi një takim u shpreh se do të ketë një ndryshim të thellë të sistemit politik.

Basha u rikthye tek premtimet e vitit 2017, ku nga çadra e lirisë propozoi Parlament me 100 deputetë dhe president të zgjedhur nga populli.

?Sot nga Korça dua ta deklaroj prerë për ata që s?e kuptojnë:  Po, do të ketë një ndryshim të thellë të sistemit politik, do ketë rikthim tek vlerat evropiane të kontrollit e balancës. Parlamenti nuk do të jetë kukull, por kontrollor i qeverisë, prandaj na duhet një parlament që buron drejtpërdrejt nga qytetari. Për këtë arsye kemi nisur një debat që do të shtrihet kudo në Shqipëri. 100 deputetë me një senat, apo kombëtar proporcional me lista të hapura, apo sisteme të tjera që bëjnë të mundura primaret apo një president të zgjedhur nga populli, ne nuk kemi paragjykime?,-tha Basha.

Më tej Basha u shpreh se qytetarët duhet të pyeten për çdo vendim të rëndësishëm dhe ndryshimi i sitemit do të vijë pas një debati të shtrirë në të gjithë Shqipërinë.

?Qytetarët duhet të pyeten për çdo vendim të rëndësishëm, jo të ndërtohen inceneratorë që helmojnë qytetarët. Me një ligj për referendumet, qytetarët do të pyeten për gjithçka që ka të bëjë me shëndetin e tyre. Ky ndryshim s?do ndodhë në dhoma të mbyllura, por në sy të publikut. Gjithçka do të marrë formë të prerë vetëm pasi të vendoset me referendum kombëtar nga vetë qytetarët shqiptarë?,-u shpreh kreu i PD-së./CNA.al





Lajmet e fundit nga