web counter
LEXO PA REKLAMA!

SHKARKO APP

App Store
Google Play

E fundit!

x

Me djegie të rënda në kokë, shpatulla dhe këmbë/ Protestuesi në gjendje të rëndë

7 Maj 2019, 13:13, Aktualitet CNA

Partia Demokratike ka akuzuar policinë se ka ushtruar dhunë mbi protestuesit e Unazës së Re, gjatë protestës së sotme.

Në një deklaratë për mediat, PD pretendon se dy efektivë të FNSH kanë zbrazur 2 bombola me gaz ndaj një protesuesi deri sa ai ka humbur ndjenjat.

Sipas PD, aktualisht, protestuesi Astrit Sadikaj ndodhet në repartin e djegies në QSUT, pasi ka djegie të rënda në kokë, shpatulla dhe këmbë.

?Forca të shumta policore ushtruan sot dhunë të pajustifikuar mbi banorët e Unazës së Re, që po protestonin paqësisht kundër pranisë së Edi Ramës në një biznes aty pranë.

Në video është dëshmia tronditëse e protestuesit Astrit Sadikaj, i dhunuar rëndë nga policia me gaz djegës dhe lotsjellës. Astriti është një nga banorët që proteston me muaj të tërë kundër projektit korruptiv të Unazës së Re që prish pa shpërblim shtëpinë e tij dhe të rreth 2 mijë banorëve të tjerë. Astriti tregon se ka shkuar pranë forcave të policisë për të qetësuar situatën, duke i thënë se qëllimi tyre është të protestojnë në paqe dhe të largohen në paqe. Astriti tregon se 3 policë i janë hedhur për ta bllokuar, ndër 2 të tjerë të FNSH i kanë zbrazur 2 bombola me gaz derisa ka humbur ndjenjat.

Aktualisht, ai ndodhet në repartin e djegies në QSUT, pasi ka djegie të rënda në kokë, shpatulla dhe këmbë. Albana Vokshi e vizitoi Astrit Sadikaj në spital dhe i mori dëshminë e dhunës policore.?-thuhet në deklaratën e PD-së./ CNA.al





Lajmet e fundit nga